Budur Ḥaḳḳdan niyāzım ide iḥsān
Saña evvel ẕekā vü fehm ü iẕ‘ān
Daòi taḥṣīl-i ‘ilme ola sā’iḳ
Olasın sa‘y ile ṭullāba fā’iḳ
‘Ömür iḥsān ide çoḳ ṭūl-i eyyām
Oḳuyup oḳudasın nice a‘vām
Vire rızḳıñ ḥelāl ü ṭīb u vāsī‘
Vire ‘ilmi ola hem ‘ilm-i nāfi‘
Olasın ḥüsn-i aòlāḳile maḥbūb
Bu vechile ḳamu dillerde merġūb
Olunca ‘ömr-i āòir vaḳt-i rıḥlet
Vire ḥüsn-i òıtāmı ide raḥmet
İde hem ben faḳīre lüṭf u iḥsān
Bi-ḥüsn-i òātime bā-‘afv u ġufrān
İki ‘ālemde isterseñ selāmet
Eyü ādemler ile eyle ülfet
Bu dünyāda eyüye ol muḳārin
Bile òaşr olasın anuñla yarın
Sa‘ādetle buyurdı faòr-i ‘ālem
O kimseyle olur ki sevdā-yı dem
Kimi sevdi bu dünyāda didi yār
Olur anuñla āòir cennet ü nār