About
Title:
Yazar
Quotes
1933-cü ildə Qonaqkənd rayonu təşkil olunanda bu ərazidə 19 sovetlik, 51 kənd, 43 kolxoz olmuşdur. 1959-cu ilin 4 dekabrında SSRİ Nazirlər Sovetinin qərarı ilə Qonaqkənd rayonu ləğv edilərək Quba rayonunun ərazisi ilə birləşdirilmişdir. Qonaqkəndə 1964-cü ildən şəhər tipli qəsəbə statusu verilmişdir.
Qonaqkənd qəsəbəsi Qubadan - rayon mərkəzindən 46 kilometr uzaqlıqda, Cimi çayının sağ və sol sahillərində yerləşir.
Təngəaltı.
Rayon mərkəzindən 33 km məsafədə yerləşir. Kəndin adının mənası "dağ arası yer" deməkdir. Böyük Qafqaz dağlarının şimal yamacında iki dağ arasından Vəlvələ çay keçir. İki dağ arasından keçən yol, sıldırım qayalar, yaşıllıqlar içindən axan çay, meşə bu kəndin mənzərəsini füsunkar edir. Sıldırım qayalıqda "Qaçaq Mayıl"ın mağarası diqqət çəksə də, oraya çıxmaq peşəkar dağçıların işidir.