Hakkında
Unvan:
yazar
Okurlar
2 okur beğendi.
10 okur okudu.
4 okur okuyacak.
Sözler ve Alıntılar
Legitimliyi kim və necə verir?
Ümumiyyətlə, ikinci üsul hiyləgərliklə, incə şəkildə həyata keçirilir ki, hətta ziyalıların əksəriyyəti belə bunu ayırd edə bilmir. Məsələn; tutaq ki, deputat seçkiləri keçirilir. Amma fakt budur ki, SEÇKİ İNSTİTUTU məqsədli şəkildə sıradan çıxarıldığından normal seçkidən söhbət gedə bilməz. Bunu hamı, o cümlədən, Məşədi adlı bir ziyalı da bilir
Leksikonumuzda (danışığımızda) istifadə edilən deyimlərdə insanla bağlı mənfi, neqativ keyfiyyətlərin əksər hissəsi QADINLARla (qadınlıqla) bu və ya digər şəkildə əlaqələndirilir, əksinə KİŞİLƏR isə müsbət cizgilərlə xarakterizə olunur. Bəzi deyimlərə diqqət yetirək:
Məs.: “Arvad kimi qışqırmaq”, “Arvad (qız) kimi ağlamaq”, “Arvad kimi qorxaq olmaq”, “Arvad kimi gülmək”, “Arvad kimi adamı satmaq”, “Arvad kimi qeybət etmək”, “Arvad kimi arxadan vurmaq” və s. Göründüyü kimi, bu deyimlərdə neqativ məzmunlu ifadələr qadınlarla bağlanılır. Guya ki, adam KİŞİ olanda qorxaq olmayır, satqınlıq etməyir, səsini başına atıb qışqırmayır, qeybət etməyir və s. Halbuki, belə neqativ, mənfi keyfiyyətlərin insanın cinsiyyəti ilə heç bir əlaqəsi yoxdur. Elmi-praktik araşdırmalar göstərir ki, mənfi xarakteristikanı insanın cinsiyyətilə bağlamaq əsassızdır.
Məsələn, son zamanlar kişi, yoxsa qadınların daha çox qeybət etmələrini müəyyən etmək üçün aparılan belə araşdırmalardan birinin nəticəsi təqiqatçıları təəcübləndirmiş, məlum olmuşdur ki, əksər kişilər qadınlardan daha çox qeybətə meyillidir və qeybətlə məşğul olurlar.