Sevirsənsə, günəşi sev sabahın xatirinə,
Bu gün gecdi, amma sabah hər şey yaxşı olacaq.
Gəl sənə nağıl danışım: "üç dost olur..."
İnanma!
İnsan əvvəldən axıra bu dünyada tək olur.
Ağla, sənə kimsə deməz gözün üstə yaşın var
Unudulmuş insan üzü su üzünnən bərk olur...
bu şəhərdən yavaş-yavaş uzaqlaşar qatarlar
üzülmə, quşlar ona çatarlar.
uzaqlaşar ömürdən sevgilər də astaca
gedirsən - üçcə heca.
Yağış yağır deyirsən, bilirəm
günəş çıxıb deyirsən, bilirəm
külək əsir deyirsən, bilirəm
Mən bilirəm qəribdi adamlar...
Və
sənsiz günəş gecikər
aydınlanmaz sabahlar
azan səsinə diksinər
bu şəhərdə günahlar...
bu səhər də baş ağrısı
soyuq içki, darıxmaq
bir quru zəng gələ,
deyəsən ki, Darıxma...
Bir az da qalsaydın deyəcəydim ki,
Lap deyəcəydim ki,
Sənsiz alınmır.
Güya çətin olur təklik dediyin,
Güya gecələrin günəşi olmur.
Bir az da qalsaydın,
Bir az da qalsaydın, düyəcəydim ki,
Sabaha şaxta var,
Əynini qalın elə.