Siz səhranın ortasında açan bir gülsünüz. Susuz quraq torpaqlarda açmağınız güclü olduğunuzdan xəbər verir. Ancaq unutmayın ki, ətrafınızda qədrinizi biləcək heç kim yoxdur. Sadəcə qızmar qum təpələri var. O təpələrdən aşıb gələcək bədəvini gözləməkdən başqa əlinizdən heç nə gəlmir. Bir gün biri çıxır qarşınıza. Sizə heyranlıqla baxır. Siz onun həmin bədəvi olduğunu düşünürsünüz. Buna inanmaq istəyirsiniz. Ancaq o doğru insan deyil. O, sadəcə sizin şəklinizi çəkib dünyaya təqdim etmək və sizin gözəlliyinizdən faydalanmaq istəyir. Gün gələcək, qarşınıza həmin bədəvi çıxacaq və sizi layiq olduğunuz sevgiyə qovuşduracaq.