Kimse ta'yîn edemez câh ü celâl-i yâri
Bilemez kimse kemâliyle, kemâl-i yâri
Her gönül kaldıramaz nâz ü zülâl-i yâri
Her bakan göz göremez yoksa cemâl-i yâri
Bakılır mi o Şeh-i kişver-i hüsn-âbâda
Etse mir`âta nazar 'aksi gelir feryâda
Bir kalem kim, șevkle vassâf olur Peygambere
İște âlemde o türlü hâmeye derler kalem
Meyve-çîn-i devha-i irfân olur bu sâyede
Feyz-i Mevlâ'ya olur bu sâyede mazhar kalem
Hırz-ı cândur, hüsn-i îmandır senâ-yı Hazreti
Hayf kim takdîrine kâdir değil ekser kalem
Bir kalem kim olmaya na'at-i celîlinden habîr
Bir kuru çöptür ona ıtlak etmezler kalem
Etmem in'âmindan ol Şâhın-şehin kat-'ı ümid
FENNİYA eczâ-yı cismim ola ser-tâ-ser kalem
Ravza-i ulyâsına olsun selâm-ı bî-hesâb
Câ-be-câ kullandığı müddetçe kâtipler kalem