- Təsəvvür edirsiniz, heç tanımadığın, tamam başqa yerdə, başqa evdə doğulmuş, başqa cür böyümüş biri çıxır qarşına? Çıxır və içini dəyişdirir. Bir gün sən ürəyində onun qulağına pıçıldayırsan ki, səndən başqa heç kimim yoxdur.
Həyat belədir. Kişilər, hər an başqasını tapmaq imkanları var deyə, evdəki qadının laqeydliyini nisbətən rahat həzm edə bilirlər. Qadınlarsa ərlərinin laqeydliyini həzm edə bilmirlər. Təkcə ona görə yox ki, kişilərə baxanda onların başqasını tapmaq imkanları yetərincə məhduddur və çox vaxt bunu ağıllarına da gətirmirlər. Həm də ona görə ki, kişi ilə müqayisədə qadın daha çox sevir, onun sevgisi daha əbədidir. Qadın mübahisələrinin çoxunun da kökündə, əslində, bu sevgidən doğan diqqət dayanır...
Bunun adı sevgi idi. Bir qadının bir kişiyə olan ən çılpaq hissi. O hiss ki, hətta anasının yanında çılpaq gəzməkdən çəkinən bir qızı bir kişinin qarşısında utanmadan soyundura bilir. O hiss ki, yeri gələndə adamı bütün doğmalarından da imtina etdirə bilir. O hiss ki, adamı ömür boyu axtarmağa, gözünə dəyən hər kəsdə və hər yerdə onun əlamətlərini görməyə, zərrə qədər də olsa oxşamayanların belə hansısa hərəkətlərində nəsə bir bənzərlik oxşar cizgi tapmağa vadar edir.
Kitabı 5 yaxud 6-cı dəfədir oxuyuram. İlk oxuduğumda, hələ kitabı oxuyub bitirmədən " kitabın adı ilə hekayəsinin nə əlaqəsi var ? " deyə düşünürdüm özlüyümdə. Bir nəfəsdə oxuyub bitirmək istəsəm də, bir yandan da sonlandırmaq istəmirdim. Hər oxuduğumda şok, təəssüf və sözlərlə belə ifadə edə bilməyəcəyim qarışıq hisslər keçirirəm. Oxuduqlarımı qəbullana bilməməyim, " bu necə ola bilər axı ? " demələrim kitabı sonlandırmamı yavaşlatdı.
Bu hekayənin gerçəkci olması da bir yandan məni çox incitdi. Kaş o çarəsiz Bendy Vuenə yardım etmə şansım olsaydı...
Əgər sən yağış yağarkən boynuna düşən yağış damlalarından narahat olub boynunu büzürsənsə, xoşbəxtsən. Xırda şeyləri problem edə bilirsən, çünki böyük problemlərin yoxdu.
Biz hər kəsi tanıyırıq. Hər kəsin ağlından nə keçdiyini, nə fikirləşdiyini bilirik. Özümüzdən başqa. Özümüzü bir fincan qəhvəyə qonaq edib, özümüzlə söhbət edib, özümüzlə tanış olmaq heç vaxt ağlımıza gəlməz. Başımız əziyyət çəkərək daha çox pul qazanıb ətrafdakıların gözünə soxmağa, daha yaxşı geyim, daha müasir maşın, daha dəbdəbəli ev, daha mükəmməl smart cihazlar əldə eləməyə elə qarışıb ki, özümüzü tamamilə unutmuşuq.