Elxan Elatlının oxuduğum digər kitabları qədər axıcı və maraqlı bir kitab oldu.Ancaq bəyənmədiyim nüansları oldu və onları qeyd etmək istərdim.Bəyənmədiyim ilk nüans Ələmdar və Gültənin münasibəti oldu.Hər nə qədər bu münasibət müdafiə edilməyə çalışılsa da ,təəssüf ki,uğursuz alınıb)Çünki bu müdafiə Ayçöhrənin ev xanımı,Gültənin isə döyüşçü olması üzərində qurulmuşdu.Bu hissədə müharibədə iştirak edən qadınlarla müqayisədə ev xanımının alçaldılmasını görürük.Gültənin dövlətin xeyiri üçün əvəzsiz addımlarını göz ardı etmək olmaz,ancaq bunu Ayçöhrənin başına vuraraq onun qadın hüquqlarını,qürurunu qoruması üçün hər hansın cəhd göstərmək haqlarını əlindən almaq, qətiyyən, doğru bir şey deyildi.Digər bəyənmədiyim nüans isə dövlət işçilərinin qeyri-qanuni əməliyyat yerinə yetirməsi idi.Bəli, bunu edərək dövlətə xain "adamlara" layiq olduqları cəza verildi.Amma bunun ,tamamilə, qeyri-qanuni yolla və dövlət adamları tərəfindən həyata keçirilməsilə razı deyiləm .Hətta Ayxanın işlətdiyi bu cümlə, fikrimcə,tam yerinə düşdü: "Özünü dövlət adamından çox ,bir avtoritet və ya mafiya başçısı kimi aparan Ələmdar..."
Bundan əlavə ,Surxayın ölümü də adi bir hadisə kimi qarşılandı...
Razılaşmadığım hissələri nəzərə almasaq oxumağa dəyər kitab idi :)