«Məhəmməd Allahın elçisidir. Onunla birlikdə olanlar (möminlər) kafirlərə qarşı sərt, bir-birinə (öz aralarında) isə mərhəmətlidirlər.»
-"Fəth" surəsi, ayə: 29.
Məlum ayəyə əsasən, inanclı insanların arasında qarşılıqlı olaraq səmimi və mərhəmətli münasibət hakim olmalıdır. Çünki onlar yeganə Tanrıya və tək Peyğəmbərə (s) itaət göstərir, bir qibləyə doğru ibadət edirlər. Onların yolu da, hədəfi də birdir. Lakin çox əfsuslar olsun ki, bəzən özünü "dindar" sayan müəyyən şəxslər öz dindar qardaşlarına qarşı olduqca amansız, qəddar, amansız və fitnəkar düşmənlərə qarşı isə olduqca mülayim və mehriban olurlar! Bunu da, unutmayaq ki, Quran və hədislərdə dindar və din qardaşları barədə danışıldıqda, öz əqidə, rəftar və danışığına diqqət yetirməyən fanat, radikal və azğın şəxslər deyil, əslində sözün həqiqi mənasında inanclı və dindar sayılan mötədil dindarlar nəzərdə tutulur.