Züleyxa həyatı boyunca «mən, mənəm» sözlərini həbsxanada ol-
duğu bir ay ərzində təkrarladığı qədər söyləməmişdi. Ədəb yaraşıqdır-namuslu qadının yerli-yersiz «mənəm-mənəm»> eləməsi doğru deyil. Hətta tatar dili çox qəribə quruluşa malikdir, insan ömrü boyunca bir dəfə də olsun «mən» kəlməsini işlətmədən də ötüşə bilər. Yəni, insan özü haqqında hansı zamanda danışırsa-danışsın,
fel lazımi formaya düşüb, sonluğu dəyişir və nəticədə «mən» kimi
əhəmiyyətsiz, lovğa sözə ehtiyac qalmır. Rus dilində isə elə deyil,
burada hər kǝs addımbaşı «mən», «mənǝ», «mənim» deməyə can
atır.