Mef'ûlü mefâîlü mefaîlü fe'ûlün
1 Hıfz it beni ahmaklara yâr eyleme yâ Rab
Gül-zâra düşür mûnis-i hâr eyleme yâ Rab
2 Lutf eyle meded-kesler ile eyle berâber
Bu dehrde nâ-keslere yâr eyleme yâ Rab
3 Kes meylimi âlâyiş-i ecnâd-ı hevâdan
Dil kişverini hicr ile nâr eyleme yâ Rab
4 Meldûgı olup eylemeyem kendimi mesmûm
Yâr eyleyüben nefsimi mâr eyleme yâ Rab
5 Safvetde olup seyr-i cemâl itmeye her dem
Mir'ât-ı dili jeng ü gubâr eyleme yâ Rab
6 Kalb hânesini eyle rehâ iki belâdan
Kibr ü hasede cây-ı karâr eyleme yâ Rab
7 Zulmetde koyup Sıdkî-i bî-çâreyi böyle
Benlik çehine anı dûçâr eyleme yâ Rab