1 Hayrete var ey gönül gel fikr-i dünyayı unut
Mâsivâdan fariğ ol bî-hûde gavgâyı unut
2 Ekl ü șürb ile kesafet virme kalbe zahidâ
Lezzet-i aşkdan haber vir zişt ü ra`nayı unut
3 Bir dükenmez macerâdur bu kuyûdât-ı cihân
Düşme bu kayd-ı hayâle kâr-ı ferdâyı unut
4 Olma ser-keş hem-çü ateş mahv olursın akıbet
Hâk-meşreb ol cihanda su-yı da'vâyı unut
5 Men ü tu çûn ü çirâdan fariğ ol sen Sıdkîyâ
Râhat ol dilde huzur it hûy ile hâyı unut