Yara salam verdim-cavab gəlmədi,
Salam Allahındır, versə, verərdi,
Məni inanmıram gördü- gülmədi,
Yəqin yaxşı görmür, görsə, gülərdi.
Yaz keçir, yamaclar çiçəksiz qalır,
Dərələr gözəlsiz, göyçəksiz qalır,
Lalələr yer altda gərəksiz qalır,
Yar onu çəmənə sərsə, sərərdi.
Ömr etdim, şöhrətli bir dağa döndüm,
Çiçəyə, meyvəyə, yarpağa döndüm,
Dərmədi barımı- torpağa döndüm,
Yarın meyli çəkmir, dərsə, dərərdi.