Diwan Berhemen Gışti Gönderileri
Diwan Berhemen Gışti kitaplarını, Diwan Berhemen Gışti sözleri ve alıntılarını, Diwan Berhemen Gışti yazarlarını, Diwan Berhemen Gışti yorumları ve incelemelerini 1000Kitap'ta bulabilirsiniz.
Wek çemekî
Di ber te re çûm û nema li şopa lîngen te vegerîyam
Wek ewrekî
Di ber te re çûm û nema li esmanê çavên te vegerîyam..
Wek pencereyekê
Ji dîle te re vebûm û nema li sira bayê evîna te gerîyam ...
Û wek darbesteke
Di ber te re çûm û nema li hîmbêza axa te vegerîyam...
Ehmed Huseynî
Zerdeştê Biharê ( Bo Zekîye Alkan)
Şev şîna şîn dike...
Hedan hêviyê hîn dike.
Bahoz buharê bîn dike.
1
Şeva bê kelek,
Tu,
Pêlek ji Birca Belek,
Yekşema Sînemaya Amûdê
Li ber dîwarê heman berbeyaniyê,
li paş pencereyên şkestî
yên xewna dayikên ji toza bendemana dijwar,
di wê qîrîna teng û tenik de,
di pend û şîretên agirekî tîndar de,
zarokên qederê digel laş û pênûsên xwe yên ji avê
Qederekî
hatin biraştin.
Vê Sibehê 5
Vê sibehê,
Tu gula hîro yî li ser lêvên min hişîn dibî..
Tu sib û îro û do yî di şaneyên xwîna min de tîr dibî..
Tu nan û ava min î..
Tu nimêj û silava min î..
Tu serkêşa ewran û mizgîniya tava min î..
Tu baskên helbesta min î..
Vê sibejê,
Tu kesk û sor û zer î,
Tu nîşana darbesta min î..
Vê Sibehê 4
Vê sibehê,
Di nav destên min de,
Di dojeha hestên min de,
Lêvên çîrokbêjên te dilerizin,
Stiranên te yên kevnar li ser zimanê min hişîn dibin,
Di sînorê dilê min de bombeya bêdengiya te diteqe,
Giriyê te çavên min dorpêç dike,
çavên min dagîr dike,
Kenê te di parsûyên min de diqirçe,
Vê sibehê,
Ez baran im tu ax î..
Ez gulbero me tu bax î...
Ez derî me tu tax î..
Ez mirî me tu sax î..
Vê Sibehê 3
Vê sibehê,
Rengê dîwaran,
perdeya şaneşînê,
Maseya xwarinê,
textê razanê,
çenteyên seferê,
nûçeyên lezgîn,
nexşeyên welatan,
girnijîna te,
stêrkên ku ji çavên te dirijin,
baskên te yên ji hêviyê,
mûma ku min ji te re vêxistibû,
gula ku min li ber sere te danîbû,
kurtehelbesta ku min di bêrîka te de veşartibû,
pinpinîka ku li tîna tîrêjên dilê te digeriya,
-ji bilî dilê min
hemî tiştên ku tu ji wan hez dikî,
vê sibehê,
ne li cihên xwe ne…
Vê Sibehê
Vê sibehê,
min dixwest tiştekî ji te re bibêjim:
tiştekî bi qasî welatê min şêrîn
bi qasî azadiyê xweşik
bi qasî dilê dayika min germ
bi qasî xwîna şehîdan pîroz
û bi qasî çavên te xemgîn
min dixwest ji te re bibêjim:
ji te hez dikim!