Eşitdiklərim, Oxuduqlarım, Gördüklərim
Manaf SüleymanovEşitdiklərim, Oxuduqlarım, Gördüklərim Gönderileri
Eşitdiklərim, Oxuduqlarım, Gördüklərim kitaplarını, Eşitdiklərim, Oxuduqlarım, Gördüklərim sözleri ve alıntılarını, Eşitdiklərim, Oxuduqlarım, Gördüklərim yazarlarını, Eşitdiklərim, Oxuduqlarım, Gördüklərim yorumları ve incelemelerini 1000Kitap'ta bulabilirsiniz.
Bakı bələdiyyə idarəsinin keçmiş baş memarlarından Zivərbəy Əhmədbəyov deyirmiş ki,Bakı öz inkişaf sürətinə görə dünyada yeganə şəhərdir.
Sayfa 30Kitabı okuyor
...Bakı təzadlar şəhəri idi,bir yandan qızıl sel kimi axıb varlı adamların seyflərinə,sandıqlarına,banklara dolur,xaricə göndərilir,digər tərəfdən də loğma çörək üçün özünü oda-közə atan adamlar gündə on-on dörd saat işləyirdilər.
Sayfa 20 - Qanun nəşiriyyatKitabı okuyor
Bakının ilk memarlarından biri Qasım bəy Hacıbababəyov şəhəri böyük ustalıqla planlaşdırıb,məhəllələri elə layihələşdirib ki,rus və Avropa memarları heyran qalıblar.
Sayfa 11 - Qanun nəşiriyyatKitabı okuyor
Qız qalasının ilk adı "Gözətçi qülləsi"imiş,damda gecə gündüz növbətçilər dənizə baxır,düşmən gəmilərinin hərəkətini izləyirmişlər.Get-gedə adını qısaldıb eləyirlər "Göz qüllə",sonralar da gah amansız düşmənə qarşı sarsılmaz,qorxunc müdafiə bürcünə,nəhayət,bütün manelərə qələbə çalan sevgi,məhəbbət abidəsinə-- "Qız qalası" na çevirirlər.
Sayfa 6 - Qanun nəşiriyyatKitabı okuyor
Müsəlman müəllimlərinin 1-ci qurultayının faydalı insani tədbirlərindən biri də erməni müəllimlərinə müraciəti idi. Bu müraciətdə deyirdi: "İki qonşu xalq arasında çoxdan bəri əmin-amanlıq arzusunda olan biz sizin, avam kütlələrə əlbir təsir göstərmək çağırışınızı yekdilliklə qəbul edərək, böyük sevinclə öz əlimizi sizə uzadırıq. Müsəlmanlarla ermənilər arasında möhkəm sülhün faydasını xalqa başa salmaq kimi müqəddəs vəzifəni sizinlə birlikdə yerinə yetirəcəyik."
Sayfa 179Kitabı okudu
"Yoldaş fəhlə, milli məsələ ciddi məsələdir, onunla ehtiyatlı olmayanda iş dolaşır."
Sayfa 280Kitabı okudu
Məhkəmələrdə yalançı şahidlər olurdu. Hakim iddiaçıları üstündə dava düşmüş əraziyə aparır, adamları dindirirdi. Molla əlindəki Qurana, şahidlərə əl basdırıb and içdirirdi. Yalançı şahid Qurana əl basıb belə qəsəm edirdi: "And olsun bu Qurana, ayaqlarımın altında olan torpaq iddiaçının ata-baba torpağıdır". Doğrudan da, ayağının altındakı, əvvəlcədən ayaqqabının içinə tökdüyü torpaq iddiaçının ata-baba mülkündən götürülmüş torpaq olardı. Üstündə dava açdığı torpağın, yerin isə iddiaçıya heç bir dəxli yox idi.
Sayfa 87Kitabı okudu
Dövlətlilər binalarının damında əzəmətli qübbə qoyurdular, bununla da sərvətlərinin tükənməzliyini nəzərə çarpdırmaq istəyirdilər. Bir kaşanədə bəzən hər küncdə və baş fəsadlarda qübbə ucalırdı və hər qübbə, guya bir milyon manat sayılırdı. Qübbələrin ortasındakı milə ştandart qaldırıb tanış adamlara, qohum-əqrəbaya o gün hansı salonda ailə yığıncağı, ziyafət, ad günü olduğunu xəbər verirdilər. Hər dövlətlinin öz ştandartı vardı. Əzəmətli binalardakı altı-yeddi otaqlı mənzillərdə nahar salonunda orkestr bucağı vardı ki, musiqiçilər oturar, çalar, xanəndələr oxuyar, məclisdəkiləri əyləndirərdilər.
Sayfa 34Kitabı okudu
Çar höküməti, əksinqilabi ünsürlər 1905-ci ildə erməni-müsəlman qırğını salmaqla inqilabi hərəkatın səmtini dəyişdirməyə cəhd edir.
Sayfa 15Kitabı okudu
Bakı milyonçuları lovğalıqla Kursk şəhərindən ildə 20.000 manat maaşla Rayevi bələdiyyə rəisliyinə dəvət etmişdilər.
Şəhərə lazım olan bütün mayətac və avadanlığı Kursk zavodlarına sifariş verirdi.Dumanın iclasında Bakıdakı ictimai ayaqyollarında aftafa qoymağı qərara aldıqda kimə və hara sifariş verməyi müzakirə edəndə bələdiyyə üzvlərindən Kərbəla İsrafil Hacıyev söz alıb deyir ki,《Cənab Rayev,aftafaları,yaxşı olardı,Kursk zavoduna sifariş verəsiniz.Bir də,4 aydır müsəlmanların Şeyxulislamı vəfat edib,yeri boşdur,mümkünsə,Kurskdan bir Şeyxulislam da gətizdirəsiz...》
Sayfa 22Kitabı okuyacak
Əsrin əvvəlində Hacı Zeynalabdin Tağıyev toxuculuq fabriki işə düşür.Burada fəhlələr üçün məscid və onların uşaqları üçün xüsusi məktəb tikdirir və 2 növbədə dərs deməyə öz xərcilə müxtəlif yerlərdən müəllimlər dəvət edir,eyni vaxtda fəhlələrin savadlanması üçün axşam kursları,dərmanxana və tibb məntəqəsi açır.Dəyirman tikdirir.
Sayfa 19Kitabı okuyacak
...Bakı təzadlar şəhəri idi, bir yandan qızıl sel kimi axır varlı adamların seyflərinə,sandıqlarına,banklara dolur,xaricə göndərilir,digər tərəfdən də bir loxma çörək üçün özünü oda-közə atan adamlar gündə 10-14 saat işləyirdilər.
Sayfa 14Kitabı okuyacak
Dağa dersən, eşidir, sonra verir əksi-səda,
Daşa dönmüşlərə kar eyləmədi fəryadım. (M. Hadi)
Sayfa 253Kitabı okuyacak