İnsan üçün ən böyük gözəllik onu var edən Rəbbini tanıması, bilməsi, Onun varlığına və birliyinə iman etməsidir. İman isə ibadətlə sıx bağlıdır. İbadət Yaradana təslim olmaq, nəfsin və şeytanın deyil, Onun razı olduğu istiqamətdə yaşamaqdır. İbadət Rəbbimizin verdiyi nemətlərə sayğının, təşəkkürün ən gözəl ifadəsidir. İbadətləri gözəl şəkildə yerinə yetirmək hansı vəziyyətdə nə etməyi doğru-düzgün bilməkdən asılıdır. İbadətin ən gözəl nəticəsi isə Allahın rizasını qazanmaqdır. Allahın rizasını, xoşnudluğunu qazanan insan həm dünya, həm də axirət səadətini əldə edər.