Mənim 7 xəyanətim
Nizami OrucovYorumlar ve İncelemeler
Ölkəmdə belə bir kitabın yazılması da, satılması da, alınıb oxunması da çox böyük ürək, cəsarət, ya da yazarın dili ilə desək (“cəsarətli insanlar dəli olurlar”) dəlilik tələb edir :D Kitab rəfimin ilk dəli-dolu kitabıdır deyə bilərəm, hansı ki nə az, nə çox 4 günə bitirdim. İlk deyirəm, çünki digərləri də triologiyanın ardı olacaq olan 2 kitab olacaq. Ancaq belə bir kitab deyil təkcə baş qəhrəmanın həyatını yaşatmaq, bəhsi keçən hər kəsin yaşadığı maraqlı, amma cəmiyyət daxilində öz beynimizdə yaratdığımız uydurma qəliblərə görə əziyyət çəkdiyi “çirkin” taleyindən, özümüzü inandırdığımız əsassız səbəblərə görə xoşbəxt bir ailənin necə dağılmasından onlarla dərs keçə bilərdi. Hələ siyasi baxış açılarını isə demirəm. Günün sonunda (“insan nə edirsə etsin, ancaq özünü alçaldır, o kimisə alçalda bilməz”) hər kəs öz seçimlərinin nəticəsini yaşayır. Həm kövrəltdi, ağlatdı, həm əsəbiləşdirdi, öyrətdi, həm də əyləndirdi, güldürdü. Hər şeydə çıxış yolu olduğu kimi burda da yaşanmışlıqların əlbət bir həlli var, növbəti hissələri səbrsizliklə gözləyirəm! 
Mənim 7 xəyanətim 
Nizami Orucov
