Özü üçün ədalət istəyən yüz milyardlarla, trilyonlarla, siyahıya alınmasının mümkün olmadığı çoxluqdakı insanlar, yalnız bu anda yaşayanların deyil, keçmiş zamanda yaşamış və gələcək zamanda yaşayacaq olanlar, "ədalət" deyərək onun cəzalandırılmasını istəyir, bu qorxunc kütləyə qarşı tək bir qadın, anası, "mərhəmət" istəyərək veriləcək cəzanın bağışlanmasını diləyir, yalvaran səsində bir ananın böyük kədəri titrəyirdi.
Həbsə qatillər, oğrularla bərabər məzlumlar və ideya sahibləri də girir, amma kütlə bu iki zümrəni bir-birindən ayıra bilmir, yaxud da heç zaman ayırmağa ehtiyac görmür.
Ayişə Pusat, qarşısındakı yaşlı qadına üzülərək, hətta istehza ilə baxdı və ərinin məhkəmə zamanı bir sözünü - "Acizləri layiq olmadıqları vəzifələrə gətirən bir dövlət batar" - deyə bağırmasını xatırladı və ona haqq verdi.