Seçilmiş Eserleri kitaplarını, Seçilmiş Eserleri sözleri ve alıntılarını, Seçilmiş Eserleri yazarlarını, Seçilmiş Eserleri yorumları ve incelemelerini 1000Kitap'ta bulabilirsiniz.
Dəli kimi sevdim gözəlim səni
Gül verdim,yandırıb-yaxdı əlini,
Seçib cümlələrin ən gözəlini
Titrəyib söylədim sözümü sənə,
Sevdirə bilmədim özümü sənə...
Həsrəti, vüsalı qoşa sevdirdim,
Üşüyən əynimi qışa sevdirdim,
Yalın ayağımı daşa sevdirdim,
Tanıda bilmədim izimi sənə
Sevdirə bilmədim özümü sənə...
Alışıb yanardım göz isdəsəydin,
Bir nəğmə olardım söz isdəsəydin.
Məni görmek üçün göz isdeseydin
Kor qalıb, verərdim gözümü sənə;
Sevdirə bilmədim özümü sənə...
Sənə hər məktubu yazdım qanımla,
Ruhumla,hissimlə,həyəcanımla
Sevinclə ölərdim əgər bununla
Bağışlasaydım mən ömrümü sənə;
Sevdirə bilmədim özümü sənə...
N.Kəsəmənli
Qayıdıb gəlmişəm yanına yenə,
Nə olar, bu dəfə qəlbimə dəymə.
Deyəsən gülürsən acizliyimə,
Neyləyim, küsülü qala bilmirəm
Sevənlər həmişə yesir düşübdür,
Axı, aramıza nə sirr düşübdür,
İradəm sevginə əsir düşübdür.
Neyləyim, küsülu qala bilmirəm.
Zaman gözləməyir, ömür-gün axır,
Soyuqluğun məni yandırır-yaxır.
Gözüm gözlərinə yalvarıb baxır,
Neyləyim, küsülü qala bilmirəm.
Uçub buludlara qona bilərəm.
Bu dərdin əlində sola bilərəm.
Ömürlük ac-susuz qala bilərəm,
Neyləyim, küsülü qala bilmirəm...
N.Kəsəmənli
Hələ qəlbimizdə xatirə izi,
Hələ ayrılığın nəmlidir gözü.
Hələ ki, sevirik bir-birimizi,
Başqa birisini sevə bilməzsən !
Gör, neçə nəğmənin bəstəsi qalıb,
Bu ocaq sönübsə, tüstüsü qalıb,
Əlimdə əlinin istisi qalıb
Başqa birisini sevə bilməzsən !
İncidib qəlbimə deyə bilmirsən,
Yolunu biryolluq edə bilmirsən,
Mene ” Yox ” sözün deyə bilmirsən,
Başqa birisini sevə bilməzsən !
İl keçir, ömürdə xatirə qalır,
Bahar güllərimiz qönçədə solur,
Hələ ki, gözlərin məni axtarır,
Başqa birisini sevə bilməzsən !
Axar, gözümüzün yaşı, qurumaz,
Deyirdik, bu ilqar-peyman pozulmaz,
Belə sevə-sevə ayrılmaq olmaz,
Başqa birisini sevə bilməzsən !