...Ola bilsin, bir gün başa düşəcəksən ki, istədiyin qədər və ən əsası səndən gözlənilən qədər, yaxşı bir insan deyilsən. İllərlə ətrafına hörülən "ideallar" divari, cəmiyyət tərəfindən, o divara qoyulmuş hər bir kərpic, bir gün yavaş-yavaş məhv olmağa başlar. O anlarda önəmli olan özündən üz döndərməməkdir. Biz kimiksə, oyuq. Yaxşı və pis onsuz da nisbidir. Bəlkə də, səni bütöv yox, hissə-hissə sevsələr yaxşıdır. Biz bütöv bir dünyanın parçalarıyq. Sən gülüşünü qatarsan, digərləri də göz yaşlarını, qoy başqa biri də "yaxşı insan"lığını əlavə etsin. Hamı hər cəhətdən yaxşı ola bilməz, heç olmamalıdır da. Sən nəyisə səhv etmisənsə, bunu dərk et və düzəltməyə çalış, amma özündən qorxma. Bizi olduğumuz kimi edən təkcə doğrularımız deyil. Soyuqluq,kobudluq,vəfasızlıq, vecsizlik və s. qəbul olunmuş mənfi cəhətlərdir. Sadəcə olaraq, bəzi insanlar bu cəhətlərlə dünyaya gəlib və onlarla da gedəcəklər.