Pîrhevok The Kurd ❂
@pirhevokk
Heta tu dewr û dersan nekî tekrar û mesrûf
Di dunyayê tu nabî ne meşhûr û ne me'rûf
Ehmedê Xanî
ℙî𝕣𝕙𝕖𝕧𝕠𝕜 𝔸𝕔𝕒𝕕𝕖𝕞𝕪
________________________________
Nîv-doxtor
Zanîngeh - Bijîşkî / Medicine
Xerîbî
Agirî | Kurdistan, 24 Kasım
179 okur puanı
Ocak 2024 tarihinde katıldı
Mewlûd di tesewifa Îslamê de cihekî girîng digire. Koka vê peyvê ji zimanê Erebî tê. Li gorî kok û bêjeyê bi wateya welîdinê tê binavkirin. Mijara mewlûdan bi giştî jidayikbûna pêxember, heta mirina pêxember bûyer û qewimînên çêbûyî û mucîzeyên ku di vê navberê de pêkhatî ne. Hem di edebiyata Kurmancî hem jî di edebiyata Zazakî de ji ber baweriya ola Îslamê cihêkî taybet digire.
Di Kurmancî de mewlûdên herî girîng yên Melayê Bateyî, Mela Eliyê Baqustanî û Seydayê Tîrêj in. Ji bilî wan Mewlûdnameya Şêx Hisê Qazî ya bi Soranî û Mewlûdnameya Mela Ebdilla Bilberî ya bi Hewramî mewlûdên herî naskirî ne.
koleksiyona 16`em, li avdestxanê, berî orgazmê
ev çirûsk, ji teyisîna perçeyên neynikeke şikesfî
ya tuwaletê hatiye berhevkirin
di tahma erotîzmê û di bêhna mîzê de ye
deverek
tuwaletek
girtî
koleksiyona 15`em, li xwînxanê, eynter
ev çirûsk, ji biriqandinên qirîstalên qeşê hatiye
berhevkirin
di tahma biraştina goştê însanên mirî
û di bêhna berateyên peykerên qefilî de ye
qesrek ji qeşê
heykelên devê deriyên wê diricifin
ji sermê
tiliyên min diweşin
rengê xwînê sebx vedaye li mermerên binê wê
ji jêrzemîna wê qîrîna mebredkirina kêran
Okur Takip Önerileri
koleksiyona 14`em, li hêviya tofanan
an jî li mahşerê, çele
ev çirûsk, ji vedana birûskên krizên velîstinên te
hatiye berhevkirin
di tahma bêhnê û di bêhna tahmê de ye
tu jî zanî
bê destê min ne li bejna genimekî;
koleksiyona I3`em, li stêrkekê, nîvêşevê
ev çirûsk, ji çirûskên stêrkên çavên te
hatiye berhevkirin
di tahma însanên dizanin biêşin û di bêhna felekê de ye
tirs-tarî-tenêtî-
ferîşteya firtoneyan mhê min bi firê xist
hezkirina stêrkan bask bi min da zîldayin
koieksiyona 12`em, li binê bîrê, şev
ev çirûsk, bi şev ji xelekeke govenda şewqên li ser ava
bîrê direqisîn
hatiye berhevkirîn
di tahma xwedê û di bêhna hibrê de ye
di binê bîreke birîndar û bêbinî de
tu kes nikare bi qasî te xweşik bigirî
koleksiyona 10`em, li otogarê, qiyala nîvro
ev çirûsk, ji şolîbûna dilopeke xwêdana kaotîk
a zilamekî bajar lê herimî
hatiye berhevkirin
di tahma vegera malê û di bêhna lingên werimî yên
rêwiyekî de ye
cih ji te re nehiştibûn,
li rawestgehên şeliqî yên li qiraxên avan
piyên te derketin parsa riyan
çirûskên te ew rêwiyên bender qesasên
koleksiyona 1`em, li ber şibakê, destê sibê
ev çirûsk, ji flaşa birûskekê ya zarokanli ber wê
fotografên xwe dikişandin hatiye berhevkirin
di tahma berfdimskê û di bêhna nanê sêlê
yê zivistanî tê lêxistin de ye
tu nuh ji xew radibûyî û
tu weke ku derek te birîn bûbe û
tu tavilê bi meraq li wê birînê binêrî;
tu li berfê diniherî
tu jî weke
'Ji bo cotkarê ku hovan ew li Efrînê li ser trextora wî kuşt'
ev trextor qeresiya te bû
bi te re direqisî
şîv û şev û şûv...
tu û ew û rêyên efrînê...
hew dibû lo!
balo dilê mirov dikeve hesinan jî
li ser navê aştiyê, Bîra min
bi berateyên birayên min dihate hedimandin
navê min ji serçavê min bi biviran dihate xerritandin
(diêşiya, pirr diêşiya…)
(xwîn bû; ji ber gava ku min dest didayê wek
virçoqiyê rohn bû)
ji bo ku ser jê bikirina li salvegera tunekirina min
wan dermale kiribûn dil û gurçikên min
ez sunnet kiribûm ji zimanê min
mmmmmmmmmmmmmmmmm…
çawa tê gotin ez baş nizanimmm…
ez di desthilatdariyê nimmmmm…!
Mala te ava, riyê te sipî
Ku tu mirî û çûy
Bihneke xweş vedan mal û zarû
Di pey te de
Bi xwe ve hatin zû.
Hîç xewta te bila
Ne li ser wan be
Hevdû nedinasîn rûbirû
Bêî ku neyartiyek şexsî jî hebe
Yên we û yên me di neqebek de
Bi serî li hevdû qelibîn.
Heyf herdû alî jî terr û ciwan
Jiyanek dûrûdrêj ber bi pêşeroj
Li ber wan hebû
Pergala me peşkilî em pergende man
Hin rûreş, hin dilkul, hin şermende man
Ji wê bobelatê yên nexesirîn
Qeşmer û teredîn û gewende man.
Li kumê xwe xebitîn berxweketî
Da ku liserê xwe bigirin
Di tozûtelazê de nexuya man
Serî ji wan stendin yên bêfedî..