Verner Mazer Sözleri ve Alıntıları
Verner Mazer sözleri ve alıntılarını, Verner Mazer kitap alıntılarını, Verner Mazer en etkileyici cümleleri ve paragragları 1000Kitap'ta bulabilirsiniz.
Qəbul imtahanının birinci hissəsinin öhdəsindən gələnlər təqdim etdikləri rəsmlər əsasında imtahandan əvvəl gördükləri işləri nümayiş etdirməli idilər. Hitler Urfar və Linsdə hazırladığı rəsm qovluğunu təqdim etdi. Qovluqdakı rəsmlər arasında portretlərin az olması imtahançının Hitleri akademiyaya qəbul etməməsinə səbəb oldu.
…Hitler 1907-ci ildə bir neçə artıq portret çəksəydi, görəsən, dünya nələrdən qurtulmuş olardı?
Axı elə bu gün də ona məxsus olan və akademiyanın tələblərinə cavab verə biləcək portret və etüdlərə rast gəlmək mümkündür.
Sayfa 80Kitabı okudu
O (Hitler) hesab edirdi ki, yəhudilik istənilən cəmiyyətin qəddar düşməni olaraq, başqa millətlərin qanını zəhərləyir, ruhlarını ələ keçirir, onları aldadır, yanıldır, istismar edir, mövcudiyyət uğrunda mübarizə etməkdən çəkindirir və millətləri məhv etmək vasitəsi kimi istifadə etdiyi demokratiyaya can atır.
Hitler Vyanada olduğu kimi Münhendə də tənha yaşayırdı. Ətrafdakılar onu başa düşmürdü və bu Hitleri qətiyyən narahat etmirdi. O, ürəyini heç kimə açmaq istəmədiyindən insanlarla yaxın münasibət qurmaqdan, xüsusən də dost olmaqdan qaçırdı. Normal şəhər sakinlərinin fikrincə, Adolf Hitler mənasız və məqsədsiz ömür sürürdü. O, vaxtının çox hissəsini kitab və jurnal oxumağa sərf edir, şəkillərini isə günorta cəmi bir neçə saat ərzində çəkirdi. Bəzən isə piroq yeyərək qəzet oxumaq üçün yaxınlıqdakı kafeyə gedirdi.
Sayfa 123Kitabı okudu
Hitler altı il altı ay ərzində fövqəladə səlahiyyətlərin verilməsi haqqında qanun qəbul etmiş (24.03.1933), Almaniya ərazisində yəhudilər üçün cəhənnəm yaratmış, həmkarlar ittifaqlarını ləğv etmiş (02.05.1933), siyasi partiyaları fəaliyyətlərini dayandırmağa məcbur qoymuş (1933-cü ilin iyun-iyul ayları), Almaniya və papa kuriyası arasında konkordat bağlamış (22.07.1933), "reyxin dirçəlməsi haqqında" qanun imzalamış (30.01.1934), SA-nın əsas statusa malik olmaqla bağlı iddialarını rədd etmiş (30.06.1934), özünü fürer və dövlət kansleri elan etmiş (02.08.1934) və vermaxtın "alman xalqının və reyxin füreri Adolf Hitlerə" sadiq olmaq haqqında
andını qəbul etmişdi. O, 19 avqust 1934-cü ildə referendumda səslərin 90 faizini, 13 yanvar 1935-ci ildə Saar vilayətində isə səslərin 91 faizini toplamış və Millətlər Liqasının Saarın Almaniyaya qaytarılması haqqındakı qərarını da qələbələri siyahısına əlavə etmişdi. 16 mart 1935-ci ildə ümumi hərbi mükəlləfiyyət təyin etmiş, 7 mart 1936-cı ildə isə qoşunlarını demilitarizasiya edilmiş zonaya daxil edərək Reyn vilayətində tam hərbi suverenliyi bərpa etmişdi. O, Avstriyanı və Sudet vilayətini Almaniyanın tərkibinə "qaytarmış" (1938-ci ilin mart ayından oktyabr ayına qədər), 1939-cu ilin mart ayında isə protektorat yaratmaqla Bohemiya va Moraviyani işğal etmişdi.
Son
“Mən bu şəhərdə əmr vermək hüququna malik idim. İndi isə taleyin əmrinə boyun əyməliyəm. Hətta xilas olmaq imkanım olsaydı da, bunu eləməzdim. Kapitan gəmisi ilə birlikdə batmalıdır". 13 aprel tarixində Yeva Braun general-leyenant Herxard Engelə özünü vurmaq haqqında sual vermişdi. Ətrafındakıların, xüsusi halda onu təyyarə ilə aparmaq istəyən Hann Rayç və Hans Baurun yola gətirmək cəhdlərinə baxmayaraq, Hitler Berlində qalıb intihar etməyi seçdi.
Sayfa 513Kitabı okudu
"İnsanlar tarixi öyrənsəydilər, həyat tamam başqa cür olardı”.
Adolf HitlerKitabı okudu
O, (Hitler) ömrünün sonuna qədər 1924-cü ildə "Mayn kampf"da söz verdiyi kimi, hələ gənclik illərində formalaşmış dünyagörüşünə və siyasi düşüncə kateqoriyalarına sadiq qalmışdı. Siyasətçi olduğu zaman daim hakimiyyətə can atması və onu əlində saxlamağa çalışması tamamilə təbiidir və buna görə onu günahlandırmaq olmaz. Hakimiyyətsiz siyasət və müvəffəqiyyətsiz hakimiyyət
uzun müddət mövcud ola bilməz. Lakin onun siyasəti insanlara qarşı düşmən mövqeyi tuturdu, qeyri-insani və öldürücü idi, üstəlik də o, öz qanuni hakimiyyətindən sistematik şəkildə təsəvvürlərini həyata keçirmək üçün, taktiki sərbəstlik əldə etmək və normal vəziyyətdə tabe olmalı olduğu bütün qaydaları pozmaq məqsədilə istifadə edirdi. Hakimiyyətə meyilli siyasətçi kimi gözü doymayan Hitler daha çox gücə sahib olmağa çalışırdı və onun bu istəyi xəstəliklərin təsiri altında daha da artmışdı. Onun artıq əldə etdiklərini uzun zaman saxlamaq iqtidarında olmaması bu cür siyasətin labüd nəticəsi idi. Beləliklə, xüsusən də istər ölkə daxilində, istərsə də beynəxalq səhnədə daim öz təşviqatları üçün yeni məqsədlər axtarması nəzərə alınarsa, Hitlerin müəyyən vəziyyətlərdə əldə etdiyi siyasi və hərbi uğurlar son nəticədə xəyala çevrilməli idi.
Xəstəliklər, nasazlıqlar və dərmanlar, bir neçə il bunkerdə monoton həyat keçirməsi, vegeterian yeməkləri, son vaxtlar sutkada cəmi iki-üç saat yatması, cəbhələrdə üzləşdiyi məğlubiyyətlər, alman şəhərlərinin bombardman edilməsi, aramsız fiziki və psixoloji gərginliklər Hitlerin səhhətində özünü büruzə verir, fikirlərini zəhərləyir, gələcək həyatını işgəncəyə çevirirdi.
Hitlerin strategiyası əsasən təbliğatın təsirini nəzərə almaqla, hərbi potensialı idarə etməkdən ibarət idi. O, qısa müddətlik də olsa “beynəlxalq ictimai fikrə” təsir edə bilmək naminə həqiqi strateji mənafeləri xəyali təbliğat uğurlarına qurban verirdi.
Sayfa 151Kitabı okudu
Hitlerin baxışlarında Lapujun aşağıdakı ideyalarının təsiri hiss olunurdu: "Ədalət anlayışı - yalandan ibarətdir. Zorakılıqdan başqa bir şey mövcud deyil", "İrq və millət - hər şeydir"