Aynura Magomedova
@24moon_shine
53 okur puanı
Kasım 2023 tarihinde katıldı
Şu anda okuduğu kitap
Cinayət və Cəza romanını oxumağım kifayət qədər uzun çəkdi. İlk səhifələrdə bir az sıxılırdım, buna görə də kitabı tədricən fasilələrlə oxuyurdum. Lakin hadisələr daha da gərginləşdikcə və süjet irəlilədikcə kitab mənim üçün daha maraqlı oldu və diqqətimi tam şəkildə cəlb etdi.
Xüsusilə Raskolnikovun daxili aləmi, düşüncələri və psixoloji vəziyyəti mənə çox təsir etdi. O, etdiyi hərəkətlərə baxmayaraq mənim gözümdə tamamilə “sıradan bir günahkar” kimi görünmədi, daha çox daxili mübarizə aparan, qarışıq düşüncələr içində olan bir insan təsiri bağışladı. Onun cinayəti və bunun ətrafında cəmiyyətin reaksiyası mənə bəzən şişirdilmiş və çox sərt gəldi.
Raskolnikovun bəzi fikirləri ilə müəyyən qədər razılaşdım, onun düşüncə tərzində məntiq və fəlsəfi yanaşma hiss olunur. Bəlkə də hadisələr başqa cür inkişaf etsəydi, nəticə də tam fərqli olardı.
Ümumilikdə isə bu kitab mənə insan psixologiyasının nə qədər dərin və mürəkkəb olduğunu göstərdi və düşünürəm ki, hər kəs bu əsəri həyatında ən az bir dəfə oxumalıdır.
Dünyada səmimi olmaqdan çətin, tərifləməkdən asan şey yoxdur. Əgər səmimilikdə zərrəcə yalan varsa, o saat nəzərə çarpır, sonra da biabırçılıq olur; lakin tərif bütünlüklə yalan da olsa, yenə də adamın xoşuna gəlir.
