Möhtəşəm bir kitab, bu kitaba və özümə bir söz verirəm: növbəti 5 il ərzində, düşüncələrim daha da olgunlaşanda, həyata indikindən də daha dərin baxdığım zaman yenidən oxuyacam kitabı, hətta indi görmədiyim bəzi məqamları o zaman kəşf edəcəyimi bilirəm... Qisas sözünə yeni bir anlamını gətirməyi bacaran bir kitab. Sizi məhv edən insanlara barmağınızın ucu ilə vurmadan həyatlarını məhv etmək... Düşünün ki, həyatınızın ən gözəl çağıdır, çox sevdiyiniz və evlənmək üzrə olduğunuz bir qadın var, bacarıqlı olduğunuz işdə çox gənc yaşında yüksək rütbə əldə edirsiniz, lakin sizi gözü götürməyən bir neçə insan üzündən 14 il həbs yatırsınız, geri qayıdanda isə heç nəyiniz qalmayıb, sevgiliniz başqa biri ilə evlidir (sizə tələ quranlardan biri ilə), atanız yoxsulluq içində, aclıq səbəbilə ölür... Beləcə, Edmon Dantesin, yəni Qraf Monte Kristonun ağlasığmaz, qarmaşıq, qanlı və dəhşətli planı başlayır.
Maraqlı və axıcı sayıla biləcək bir roman idi. İlk 70 səhifə yavaş və bir qədər sıxıcı gəlsə də, sonradan çox axıcılıq qazandı. Bunun da səbəbi, kitaba maraqlı bir obrazın - Vasilyevnanın - daxil olması oldu. Çox yaşlı qadın olsa da, açıqsözlü olması, heç kimi vecinə almaması və ürəyindən keçənin dilində olması bir simpatiya yaratdı ona qarşı. Digər maraqlı süjet xətti isə, baş obraz Aleksey İvanoviç ilə Polina arasındakı maraqlı dinamikası olan münasibət idi. Yəni bir insanın, qarşı tərəf aldığı nəfəsdə, baxdığı hər baxışda və dediyi hər sözdə səni xor və aşağı görməsinə, dahası sənin də bunun bariz şəkildə fərqində olmana rəğmən ona qarşı hisslərinin olması, onun üçün ölməyə və öldürməyə, hər cür çılğınlığa hazır olman çox qeyri-adi bir şeydir.
Bu kitabı 2 məqama görə mütləq oxumağa dəyər. Öncəliklə, kiçik bir abzas var ki, Dostoyevski orada qarışıq və maraqlı bir psixoloji durumu sadə şəkildə izah etməyi bacarıb, kitabın ən sevdiyim məqamı o oldu. Digəri isə, sona 1 2 səhifə qala, qadın və ümumən insan psixologiyasına dair dəqiq və mükəmməl bir açıqlama verib.
Məncə, kitab Dostoyevskiyə başlanğıc üçün ən ideal seçimlərdəndir.
KumarbazFyodor Dostoyevski · Can Yayınları · 202168.7k okunma
Bazen en çılgın düşünce, en imkansız gibi görünen düşünce, içinize o kadar güçlü bir şekilde yerleşir ki, sonunda onu gerçekleştirilebilir bir şey olarak kabul edersiniz...