Bir kimsə ölümün nə olduğunu bilmir, onun insan üçün yaxşılıqmı, yamanlıqmı gətirəcəyini də bilən yoxdur, ancaq hamı ondan qorxur, sanki onun insana yamanlıq gətirəcəyini artıq bilirlər. Bilmədiyin nəyisə bildiyini düşünməkdən də böyük qanmazlıq ola bilərmi?
Görünür, ölüm ya yuxugörməsi olmayan yuxudur, ya da ruhun başqa bir dünyaya köçməsidir.Bax indi buradan getməli olduğum an gəlib çatdı, sizlərin yaşamalı, mənim isə ölüb getməli olduğum çağlar başlayır, indi başladığımız bu yolla bizlərdən hansımız yaxşılığa çatmağa doğru gedirik, bunu tanrılardan başqa heç kim bilmir.