Hələ ki, rüzgarsan sevgimdən bəzən,
Tale yetirəndə, neynəyəcəksən?
Hələ ki, yanından kanar edirsən,
Qalsam xatirəndə, neynəyəcəksən?
Bilirdin səninəm gəldin, götürdün,
Solurdum - göyərtdin, biçdin, bitirdin, İncitdin, kövrəltdin, tapıb-itirdin;
Tamam itirəndə neynəyəcəksən?
Daha nə limanın, nə sahilinəm,
Nə odlu közünəm, nə də külünəm,
Dəli təkəbbürün səninlə hərdən,
Yola getməyəndə neynəyəcəksən?
Hələ də bilmirəm-niyə sevirəm,
Bəlkə dəliyəm ki, əl çəkəmmirəm?
Tutaq, mən yetmədim kama, cəhənnəm!, Özün yetməyəndə neynəyəcəksən?
Nə fərqi, nə sanıb ram oldum sənə?
Hələ ki, saçların yatmır sinəmə,
Alovlu, çovğunlu bu "Cəhənnəmə"
Pənah gətirəndə neynəyəcəksən?...
Vahid Əziz
Vahid ƏzizHeç üzümə baxmadan yanımdan necə keçdin?
Sən eşqin salamını qorxuyamı dəyişdin?
Yoxsa sən öz əhdinə, ilqarına ağ oldun?
O qədər yaxın ikən, bu qədər uzaq oldun.
Şirin gülüşlərimiz, acı fəğanlarımız
Bir salama dəymədi?
Qayğılı anlarımız, qayğısız anlarımız
Bir salama dəymədi?
Sən neylədin, bir düşün!
Yetmədi o qədər cəhdim, iradım,
Tutmuram əməllərin, sərt gileyinlə.
Mən səni bəxtəvər etmək istəyirdim,
Sən özün oynadın öz taleyinlə