Tu bi tina xûnavstêrkan hatî, bi pêlên bagera gulan. Te bi tîna dilê xwe germ kir bedena min a qerisî, di şevên teng û tarî. Di rojên sar û di seqem de, min xwe avêt hembêza çavên te yên reş.li kîjan gulên binihêrim tu vedibî jinişkave, navê te tê nivîsîn li rêza ewil a her rûpelê da dawî nebe ev xewna xwînşîrîn da neçilmise ev eşqegula di payiza emr de vebûyî. Min xwe avêt tor û bextê yezdanê dilovan, tu bûy pêta pizotek agir daviyê û te hilweşand hemû kelehên ruhê minê zarokwarî...