Adam öldürməyə görə insanı öldürmək cinayətin özü ilə müqayisədə çox böyük cəzadır.Hökm ilə adam öldürmək ,quldur kimi adam öldürməkdən qat-qat dəhşətlidir.Quldurların gecə vaxtı öldürdükləri ,meşədə başını kəsdikləri ,yaxud da başqa sayaq öldürdükləri adam son dəqiqəyədək mütləq ümid edir ki ,bəlkə xilas olacaq.Elə hallar olur ki,adamın boğazını kəsirlər ,amma o ,hələ də ümidini itirmir,ya qaçır ,yaxud yalvarır.Amma hökm ilə öldürəndə bütün bu son ümidi də adamın əlindən yəqin alırlar,halbuki ümidlə ölmək bundan on qat asandır,burada hökm mövcuddur,özün də bilirsən ki,bundan yaxa qurtara bilməyəcəksən,bütün dəhşətli iztirab da elə burasındadır,dünyada bundan ağır cəza ola bilməz.