✿هێلین.H
@Heldem
Min û te bi hev ra soz danî...
Heyvbanû.ლ
Di ser çavên mera hatî !
Tu hatî lêvşirîna min!
Evînû û dilvirîna min!
were xweşke birîna min !
Di ser çavên mera hatî !
Bi xemlû xêz tu wek Zîni
Şepalû şeng û şêrînî
Ji daxwazê re dûrbînî
Bi dîdarê petû latî !
Bese ev malemîratî !
Bi dîdara xwe pir rindî
Birû heyv û şeker xendî
Di vê rê de hinermendî
Bi bejna xwe tu şemşatî
Ji min canû ciger kuştin
Dilû mêlak hemî xiştin
Tijî tîrû berû xiştin
Bese ev malemîratî!
Bese ey dilberû gawir!
Bibarîne li min awir !
Te can û dil kirin agir,
Bi talan û bi berbatî
Ger ez mirim canê te xweş
Radare dil, dûrbîne ew
Yar têde keskû şîne ew
Tehlî li pey şêrîne ew
Ahî ji destê te evîn
Dilber ku carek bête bal
Datênî ber pê zêr û mal
Ji birr diçin dost û heval
Ahî ji destê te evîn
Ahî ji dest şêrîn devê
Şeker kenê, lêv hingivê
Jehr û mirin bî, min divê
Ahî ji destê te evîn
Jehra ji wan lêvên şirîn
Xweş tê li min wek pensilîn
Pê xweş dibin derd û birîn
Ahî ji destê te evîn
Cama evînê pir bi weş
Çawa vexwar ez çûm ji hiş.
Ger ez mirim canê te xweş
Ahî ji destê te evîn
Evîn ji destê yarî bit
Çendan ku pir dijwarî bit
Dê dil bi wê hişyarî bit
Ahî ji destê te evîn
Evîn wekî saza dile
Nalîn û awaza dile
Xweş vîn û daxwaza dile
Ahî ji destê te evîn
Evîn ji çavên reş dizê
Bîna binefşû nêrgizē
Wek şîreya şêrîn mizê
Ahî ji destê te evîn
Carek ji destê dilberê
Şêrîn lebê, đêm gewherê
Dîsa vexum ez wek berê
Ahî ji destê te evîn
Ew nazika pir gewr û rind
Dêm gewhera, bala bilind
Carek bidî min ew lewend
Ahî ji destê te evîn