Umaayy
@HumayAli
75 okur puanı
Mart 2024 tarihinde katıldı
Jane Austen, bacısı Cassandra'ya yazdığı bir məktubda, "Northanger Abbey"i 1798-1799- cu illərdə yazdığını demişdi. 1 il öncə Jane'in Bath səfərinin, hadisələrin yaşandığı məkana ilham olduğunu düşünmək olar. Əlyazmasında kitab "Susan" adını daşıyırmış.
"Susan" tamamlandıqdan sonra ailə vəkili əlyazmanı nəşriyyata 10 sterlinə satıb, və nəşr olunacağına dair söz verib. Lakin, 6 il heç bir irəliləyiş olmayıb. Nəhayət, Jane özü nəşriyyatla əlaqəyə keçməyə qərar verib. Başqa ləqəblə bir məktub yazıb, əlyazma itibsə yenisini göndərə biləcəyini vurğulayıb, əks halda isə başqa nəşriyyatla işbirliyi edəcəyini bildirib. Lakin, nəşriyyat başqa işbirliyi olarsa, kitab satışının qarşısını almağa çalışacağını deyərək təhdid edib. Ardınca təkrar 10 sterlinə geri qaytara biləcəyini deyib, lakin Jane bununla razılaşmayıb. Bir neçə il sonra, qardaşı Henry, 10 sterlinə əlyazmanı geri alıb.
Həmin zaman Jane'in "Susan" adında başqa romanı olduğundan, baş qəhrəmanın adını "Catherine" olaraq dəyişib. Həmçinin, özsöz əlavə edərək, kitabın 13 il əvvəl tamamlandığını qeyd edib.
1817'də yazdığı bir məktubda: "Catherine bir müddət rəfdə qalacaq, nəşr olunub-olunmayacağını bilmirəm, amma nəşrə hazır bir kitabım var, bəlkə 1 il sonra nəşr oluna bilər". Bəhsi keçən kitab "Persuasion"dur.
Jane Austen 4 ay sonra vəfat edib. Nəşr olunmamış romanlarının "telif" haqqını bacısına verib. "Catherine" adı "Northanger Abbey" olaraq dəyişilib.
Puan vermedi
Aleksandr Düma, Edmond Dantes'in həbsxana təcrübəsini "Château d'lf" həbsxanası əsasında yazıb. Həqiqətən də orada həbs olunmuş François Picaud adlı tacir Dantes'in həbsxanadakı həyatının ilham mənbəyidir.
Xəritədə Monte Kristo adası həqiqətən var idi. Düma onu bəzi dəyişikliklər edərək kitabda təsvir edib.
Yəqin ki, hamımız Mercedes'i qınamışıq. Lakin o, Edmond'un yoxluğunda həyatını qorumalı idi. Bu, bəhs olunan dövrdə qadın obrazların təsviri üçün vacib idi.
Edmond kitab boyunca beşdən çox rola girib. Bu oxumağı çətinləşdirəcəkmiş kimi görünsə də, heç də elə deyil. Əksinə, obrazdan obraza dəyişməyi bacarmağı oxucunu valeh edir. Mənim favorim həmişə gənc dənizçi Edmond Dantesdir.
Keçənlərdə baxdığım "The shawshank redemption" (Esaretin Bedeli) filmində kitabımızla bağlı qısa səhnə var. Baxmış olan varsa nədən bəhs etdiyimi anlayacaq. Oxumamış olan insanlarda belə filmdəki söhbətdən sonra kitaba qarşı maraq oyanacağını düşünürəm.
Son olaraq, demək istədiyim, Monte Kristo Kontu filminə baxmayın, qoyun, obrazlar, məkanlar, hadisələr xəyalınızda qurduğunuz kimi qalsın.
Monte Cristo Kontu (2 Cilt Takım)Alexandre Dumas · Türkiye İş Bankası Kültür Yayınları · 202037bin okunma
Victor Hugo "Səfillər" romanını yazmağa 1845-ci ildə başlayıb, 1862-ci ildə tamamlayıb. Əsərin tamamlanması 17 il çəkib, oxucular üçün 17 gün kifayətdir ki, kitabı bitirsin .
Satışa çıxmasının ilk günü 6 min nüsxəsi satılıb, bu o dövr üçün kifayət qədər böyük rəqəmdir.
Bəzi mənbələrə əsasən, əsər yayımlandıqdan sonra Hugo satış rəqəmlərini öyrənmək üçün nəşriyyata sadəcə "?" işarəsi olan məktub göndərib. Cavabında isə nəşriyyat sadəcə "!" yazıb. Bu da tarixin ən qısa sual və cavabı olaraq bilinir.
Bir çox kitabda rast gəldiyimiz kimi,həmin illərdə bəzi siyasi məzmunlara görə əsərin səhnələşdirilməsinə icazə verilməyib. İndi isə 2012 il çəkimli "Les Misêrables" filmi var. (Filmi izləməyin, oxuduqlarınız xəyalınızda olduğu kimi qalsın)
Hugo əsəri yazdığı illərdə Napoleon III-ün siyasətinə qarşı çıxdığı üçün sürgün edilmişdi. (Əsərin yazılmasının uzun çəkməsi də bu səbəbdəndir.)
Hugo təkcə obrazların yaşadıqlarını qələmə almaqla kifayətlənməyib, Parisin küçələrini, kanalizasiya sistemini, müxtəlif tarixi hadisələrini də detallarla təsvir edib. Oxuyarkən o dövrdə yaşamış qədər oldum.
Uşaqkən oxu kitablarında Gavroche, Cosetta kimi kiçik obrazların səhnələrini qısa formada oxumuşdum. Gavroche və Jean Valjean ən sevdiyim obrazlar idi. Həmin illərdə, həmin səhnələri xəyalımda necə qurmuşdumsa, bütöv romanı oxuyarkən də eyni səhnələr gözümün qarşısında canlandı.
