Hümbət İsmayılov
@Humbett
Şair Hümbət İsmayılov : Yazılarımın SƏBƏBİ gördüyüm problemlər, MƏQSƏDİ isə onları bədii şəkildə təsvir edərək qabartmaq və çarəsində az da olsa rola sahib olmaqdır.
Şair
Bachelor, Master - Management (film production)
Gəncə
Gəncə, 19 Nisan
6 okur puanıAğustos 2021 tarihinde katıldı
Səninlə birgəŞiir
Gəl bir ev düşünək isti ürəyi,
Sən onun işığı, mənsə dirəyi.
Şirin süfrəmizə çayı, çörəyi,
Gətirmək istərəm səninlə birgə
Sevgisi özündən yüksək mərtəbə,
Sevgidən doğulsun nur üzlü bəbə
Balaca əlindən tutub məktəbə
Ötürmək istərəm səninlə birgə.
Pişik, toyuq, qazları, ördəkıəri,
Həyətində bol üzüm tənəkləri.
Pəncərədə rəngarəng çiçəkləri,
Bitirmək istərəm səninlə birgə.
Bələdik biz şükrün bu hünərinə,
Min olar nemətin etsən birinə...
Sevgi nemətinin şükrün yerinə
Yetirmək istərəm səninlə birgə.
Reklam
Özünü unutmaq
Çəkə-çəkə gör nələrin dərdini,
Bivəfa, biganələrin dərdini
Dərd etdikcə özgələrin dərdini,
Unuda bilərmiş özünü insan...
Uşaqkən dərdini qəlbə salınca,
Sarılıb yatarmış gecə balınca.
O yaşdan ürəyi dolu qalınca,
Bu yaşda silərmiş gözünü insan.
Sən sənə vaxtını ayırmasan bil,
Vaxt səni düşünüb ayrılan deyil.
Bir göz qırpımında ötür onca il,
İtirir zamanın izini insan.
Tək bədən yorulmur, ruh da tər tökür...
Şübhələr yüksəlir, ümidlər çökür.
Kaş görsə qəlbinə nə dağlar çəkir...
Ürəkdə tutanda sözünü insan.
- Hümbət İsmayılov
Reklam