Hümbət İsmayılov
@Humbett
Şair Hümbət İsmayılov : Yazılarımın SƏBƏBİ gördüyüm problemlər, MƏQSƏDİ isə onları bədii şəkildə təsvir edərək qabartmaq və çarəsində az da olsa rola sahib olmaqdır.
Şair
Bachelor, Master - Management (film production)
Gəncə
Gəncə, 19 Nisan
6 okur puanıAğustos 2021 tarihinde katıldı
"Tut ağacım" yenidən.Müzik
Xatirələr qanadında
Yaşayan da indi mənəm.
Ağır yükü budağında
Daşıyan da indi mənəm.
Şahid oldun gerçəyimə
Sirli sözüm yoxdur indi.
Ötən günlər ürəyimə
Batan sirli oxdur indi.
Bu qocalan ruha baxıb,
Vurur zərbə budaqların.
Nə körpə bir ruhum qalıb,
Nə də körpə budaqların.
Xatirələr bu dünyada
Şirin olur dadın kimi.
Mən öləndə yasımı da
Sən tutarsan, adın kimi...
Sanki uşaqlıqdan bəri gülməmişəm
Çox qapı gəzib özümə gəlməmişəm.
Bir gün səni özüm kimi görüb sənə
Bunu söyləyəcəyimi bilməmişəm :
- De! Köksünə neçə çarpaz dağ çəkmişəm?
Neçə körpə budağını mən əzmişəm?
Bir gün şirin xatirələr sorağıyla,
Səni gözləyəcəyimi bilməmişəm...
Her çiçeğin bir mevsimi, her kitabın bir zamanı vardır. Haziranın tadını yeni hikâyelerle çıkarın.
ŞeirŞiir
"Bir ömür"
Əgər həbs olunsa bir bağa meyvə,
Bənzəyir o zaman dustağa meyvə.
Ağac gömüləndə torpağa meyvə
Adam gömüləndə bir ömür bitir.
Ölüm gətirməyə çatsa cürətin
Sevinmə! Nöqsandır bu məharətin!
Dağıtmaq asandır, yaratmaq çətin
Bacarsan ölüm yox, bir ömür gətir.
Verilən hər möhlət, aman şirindir
Çünki sona yaxın zaman şirindir.
Keçmişin röyası yaman şirindir
Bir də ayılırsan : bir ömür ötür...
Sözüm mənə qalmır, sizlərə qalsın.
Sizin də dərdiniz sözlərə qalsın.
Hümbətdən sizlərə xatirə qalsın
Başa düşməsəz də bir ömür sətir...
- Hümbət İsmayılov
