Hüseyn Məmməd
@HuseynMammad
"Hal var sağalmaz xəstəlik
Ən sevdiyindir üstəlik."
Baku
9 reader point
Joined on September 2023
"Gəl ey bahâri dirildən çiçəklərin şeiri,
Uşağtək əllərin açmış ləçəklərin şeiri..."❤️🩹
Öləcəyik iki gözüm,
Öləcəyik necəsə
Sən o tayda, mən bu tayda
Bundan qəmgin gerçəkmi var?
Bir birindən xəbərsiz,
Kim bilir hansı şəfəqdə, hansı dolunayda...
Bəlkə də anlıq, bəlkə də ömürlük donub qalacaq birimiz o birimizin xatirəsində
Bir az daha çox sayda..
Sarıldığımız və əzizlədiyimiz cisimlərimizin əslində bizim olmadığını unutmuşduq,
Bir sel gəldi,
Palçıq olub axdı çayda..
Həsrətində həyat adlı həqiqəti danaram
Ölümə yox,
Səni daha görməməyə yanaram...
Yanaram da, nə fayda?!
Baxacaqsa əgər sənsiz
Qurban kəsdim gözlərimi,
çüxurlarda qandı yaşı,
Əsas sən qoru özünü,
Ey qəlbimin həcərül əsvəd daşı...
Dərd etmə, iki gözüm,
Mən birtəhər hərləyəcəm bu başı...
Ağlamağa bəhanə ver,
Ürəyimi nisgil sıxır.
Əllərimi sənsizliyim,
Boğazımı qəhər sıxır.
Nə güc varmış biləyində!
Öldürəcək təhər sıxır.
Nə yorulmur, nə dincəlmir,
Gecə sıxır, səhər sıxır.
Tikan taxır ilməyimə,
Kədər qatır gülməyimə,
Haram səpir yeməyimə,
Çaylarıma zəhər sıxır.
Tut əlimdən, apar məni!
Ürəyinin bir kəndinə.
Yoxsan deyə zalımlaşıb,
Sıxır məni, şəhər sıxır.
Ağlamağa bəhanə ver!
Bulud kimi dolmuşam mən.
Sənsiz boynum bükük qalıb,
Yaman kövrək olmuşam mən.
Gözümdə ocaq qalanıb,
Boynuma zəncir dolanıb.
Suyuma həsrət bulanıb,
Saralmışam, solmuşam mən.
Ağlamağa bəhanə ver!
Yaman kövrək olmuşam mən.
Reader Follow Recommendations
Mənim adım okean,
Məndə batır gəmilər.
Mən suyumda boğuldum,
"Yenə yatır" dedilər.
Sahilim yox, limanım yox,
Dincəlməyə zamanım yox.
Qasırğalar içimdədi,
Heç kimsəyə gümanım yox.
Mənim adım okean,
Dindirmə, çox dəliyəm mən.
Sular da etmir pak məni,
İllərdir kirliyəm mən.
Atılma, üzə bilməzsən,
Ağlın gedən dəniz deyiləm!
İnan ki, dözə bilməzsən.
O mənəm - "okean" deyilən.
Mənim adım okean,
Batıram öz içimdə.
Fırtınalar fəryadımdı,
Bu gecə də içim dəm.
Mənim adım okean,
Məndə batır gəmilər.
Öz içimdə boğuldum,
Yaşamayan nə bilər?!
Neçə dəfə ölür bir adam?
Günəşi necə batır?
Neçə kimlik, neçə ad?
Neçə qətli saxlayır qoynunda gecə?
Neçə ölü, neçə sağ?
Kimi evdə, kimi pusquda yatır...
Pəncəsindən qan daman,
Üzündə Ay işığı,