min ji te hez kir
çîrokan bê xatirxwestin ji cîrantiya min bar kir
min li hemberî bedewiya baranan serî rakir
min ji bo ku destên te neqefilîne bayê kur bertîl kir
min kenekî nû ji xwe re kirê kir
min xwe di nav xelkê de nav-no kir
min li benda te xwe spî kir,
şîva xwe sar kir,
xwîna xwe zilindar kir,
min ji acizî xwe çîrçîrî kir,
xwe bi tenêtiyeke pir bi talûke hûrhûrî kir
min ji te hez kir
min mala xwe xera kir
Janya
ji qevmê pezkoviyan re xew heram e...
lê xwedê û wext xelet hatiye xetimkirin
ez hêmayeke heyama hewaran,
di herban de nîşangeha riman
serî gog, çav xar, zikçirîyayî
fermo janya êdî tu dikarî xwe bikujî