-Ədalət. Qanun. Hərçənd hər ikisi günahsız insanı qorumaq üçün zəruri idi, lakin onlar heç də həmişə hamının istəyini yerinə yetirmirdi.
– Əgər buranı birdəfəlik tərk etmək qərarına gələsi olsam, hüquqa qayıtmayacağam. Vaxtımı özlərini normal və vacib hesab edən, həyatda yeganə funksiyası insanların həyatını çətinləşdirməkdən ibarət olan dəlillərə sərf etməyəcəyəm.
"Divanə insan intihar edir, qəhrəman isə mübarizə apardığı məqsəd uğrunda şəhid olur, lakin sonda hər ikisi ölür və küskün insan gecə və gündüzlərini hər ikisinin ağılsızlığını və təntənəsini qeyd etməklə keçirir. Bu, yeganə andır ki, küskün insan ətrafında ucaltdığı qoruyucu divarlara dırmaşır, özündə enerji tapıb kənar dünyaya göz gəzdirir. Lakin tezliklə, əl-ayağı yorulduqdan sonra o öz gündəlik həyatına qayıdır."