Mərhəmət duyğusu səndə yoxdursa
Tutduğun orucun nə mənası var?
Süfrəndə yoxsula yerin yoxdursa
Bir ay ac qalmağın nə mənası var?
Tərəzin çəkidə əyri çəkirsə
Dilin zəhər kimi qəlb incidirsə
Əlin rüşvət alıb , rüşvət verirsə
Qıldığın namazın nə mənası var?
Namazda Orucda asandı qardaş
Vicdanlı olmaqsa çətindir qardaş
Əsil insan olmaq lazımdır qardaş
Əməlsiz Quranın nə mənası var?
Ayrılıq mehriban, ayrılıq doğma
Gəlmə, ayrılığın evini yıxma
Arzular dirçələr, yuxum çin olar
Otağda gərəksiz gülüşlər dolar
Mənnən küsüb gedər incik şeirlər
Sevinclər içində təklənər kədər
Əzablar içində yaşıyım yenə
Xeyli dərd lazımdı ölməy üçün mənə
Gəlmə, gəlmə belə qalım
Azadam, azad
Mənə bu dünya da, o dünya da yad