Məltəm
@Melti_
Şu anda okuduğu kitap
Mənə elə gəlir ki indiki dövrdə film çəkmək, ssenari, yazmaq daha çətindir. Son zamanlar Film dünyası da əksər mövzularda təkrara düşür, ya keçmiş filmləri yeni versiyada çəkirlər ya da illər sonra öz sözünü demiş filmin ardını çəkirlər. İl ərzində az sayda fərqli, yaddaqalan filmlər çəkilir.
Ədəbiyyat dünyası da onu kimi "klişe" dediyimiz yüzlərlə kitab var, əksəriyyəti bir-birini təkrarlayır. Ancaq Matt Haiqin qələmilə ərsəyə gətirdiyi bu kitab mənə insan yaradıcılığının həddi-hüdudu olmadığını, sərhədsiz olduğunu bir daha sübut edir. Müasir ədəbiyyatdan oxuduğum ən yaddaqalan, fərqli kitab oldu mənim üçün.
Kitab Silvia Platın "Əncir alleqoriyası"na əsaslanır desəm yalan olmaz. Əksəriyyətimiz gün ərzində" filan işi seçsəydim, başqa sahə üzrə oxusaydım, qarşıma çıxan o fürsəti dəyərləndirsəydim başqa olardı" - deyə onlarla şey düşünürük. Kitabdakı baş qəhrəmanımız Nora da uşaqkən üzgüçülükdə, mahnı yazmaqda, pianoda ifa etməkdə potensialı olub, ancaq onların heç birini düz əməlli həyata keçirməyən və zamanla bunun peşmançılığınə çəkən 30lu yaşlarında bir qadındı. Norayla bir çoxumuz eyni hissləri yaşamışıq. Onun bizdən fərqi isə bu həyatları sınama şansının olmasıdı. Kvant fizikası, paralel kainatlar mövzusundan da bəhs edən kitab olduqca axıcıdı, ancaq sonlarına doğru təkrara düşdüyünü hiss elədim. O hissələri bir az sıxıcı gəldi,
- - - - SPOİLER("içimdən seç artıq bir dənə həyat adam ağıllı yaşa özün üçün" - dedim. O səbəbdən bir ara Nora üçün hər şeydən narazı, nankor, axtardığını tapsa da həmişə narazı olacaq biri kimi düşündüm ) - - - -
Bunları çıxmaq şərtilə sona doğru kitab özünü toparladı. Əslində verilmək istənilən mesajın tamam başqa şey olduğunu anladım.
Qəhrəmanımız bir macəraya çıxmış sonda evə qayıtmış, ancaq evdən çıxanla evə qayıdan
Bu yaz yanınızdan ayırmak istemeyeceğiniz kitapları sizin için bir araya getirdik.
💬 Siz olsanız bu listeden hangisiyle başlardınız?
Türklər demiş əsl "çerezlik" əsərdir. Rahatlıqla pdf formada 2 saata oxuyub qurtara bilərsiz. Kitabı əldə edib oxumaq istəsəz, başqa nəşrlə maraqlanın. Əsər qısa olduğundan orfoqrafiqk səhvlər, cümlələrin quruluşunun baş-ayaq olması çox gözə batsa da kitabı bitirməyə mane olmayacaq.
Yevgeni rəhmətə getmiş atasından qalan borcları ödəmək, təsərrüfata rəhbərlik etmək üçün kəndə köçür. Zamanla bu işlərin öhdəsindən gəlir, borcları ödəyir, evlənir, təsərrüfatı genişləndirir, camaat arasında nüfuzu daha da artır. Xoşbəxt ailə həyatı yaşadığı anda subay vaxtı elədiyi eşqbazlıq indi onun başına bəla olur. İstəyi ilə iradəsi arasında mübarizə onu sonda gözlənilməz yola əl atmağa vadar edir.
Bəzi nəcib xüsusiyyətlərinə görə Yevgenini "Anna Karenina"dakı Levin obrazına bənzətdim. Ancaq Levin də özünəməxsus xarakteri ilə Yevgenidən çox üstündür.
Zamanın qəhrəmanı eqoizmdir
Əsərin adını oxuduqda ağlıma şablon qəhrəman obrazları gəldi və düşünürdüm ki, bu qəhrəman zəmanəsinə rəğmən qəhrəmandır. Lakin elə olmadı. Lermontov bu əsəri ilə insanın ağlında tamam başqa bir qəhrəman obrazı yaradır. Qəhrəmanımız Peçorin çox qəribə insandır. İlk dəfə əsərin baş qəhrəmanına bu qədər qəzəbləndim, ancaq sonlara doğru Peçorinin daxili aləmindən xəbərdar oldum. Yenə də içimdə Peçorinə qarşı həm qəzəb həm də anlayış, simpatiya var. Qəzəb ona görədir ki, hər dəfəsində çevrəsindəki əksər insanların həyatını həm mənəvi, həm də cismani məhv edir. Peçorin məqsədə çatmağın verdiyi həzzdən daha çox o məqsəd üçün edilən fənd və gedişlərin verdiyi həzzin aludəçisidir.
Peçorin gənc yaşda olmasına baxmayaraq həm insanları tanıyır, onlara nəyin təsir edəcəyini bilir, insanların zəifliklərindən öz mənfəəti üçün istifadə edir, həm də nihilizmi dadıb.
Mənə elə gəlir ki, hər insanın içində Peçorin var. Hər oxucu əsərdə özünə dair nəsə tapacaq.