Xwedê ji nav mirovan qasidan hil- dibijêre. Ev qasidên ha, emr û wehyên Xwedê ji mirovan re dibêjin. Bi hal, bi gotin û bi serpêhatiyên xwe, rastî û heqîqetê nîşanî însanan didin, ji bo însanan dibin minakeka bêkêmasî, qena mirov rih, eql, qelb û nefsên xwe terbiye bikin, meqamên mirovan ji firrîşteyan bibore, bibe wesîla avakirina rûyê erdê, ji bo sifat û esmayên Xwedê bibin eyneyeka bêkêmasî, li gor riza Xwedê jiyana xwe biborînin, îbadetê Xwedê bikin, neheqî li tu kesî nekin û bi vê wesîlê li dinê û li axretê serfiraz û serbilind bin.
Hemdê bêhed ji bo wî Xwedayî re be ku me wek însan afi- randiye û ji bo em heq û batil ji hev nas bikin Qur’ana Pîroz û Resûlê xwe Muhammed ji me re şandiye.