Muhammed börk
@Muhammed_boru
Dertli insan dumanlı odaya benzer, onu dinlemek odaya pencere açmak gibidir.
Mevlana Celaleddin-i Rumi
Mevlana Celaleddin-i Rumi
Dîn ü millet sorarısan ‘âşıklara dîn ne hâcet
‘Âşık kişi harâb olur âşık bilmez dîn diyânet
Âşıklarun gönli gözi ma'şûkın isteyü gider
Ayruk sûretde ne kalur kim kılısar zühd ü tâ'at
Tâ‘at kılan uçmagıçün dîn tutmayan Tamu içün
Ol ikiden fârig olur neye benzer bu işâret
Her kim dostı severise dostdan yana gitmek gerek
İşi güci dost olıcak cümle işden olur âzât
Anun gibi ma'şûkanun haberini kim getürür
Cebrâîl-i mürsel sıgmaz anda olıcak münâcât
Sorı hisâb olmayısar dünyâ âhiret koyana
Münker ü Nekir ne sorar terk olıcak cümle murâd
Havf ü recâ nice gelür varlık yokluk bıragana
İlm ü ‘amel sıgmaz anda ne terâzû ne hod sırat
Ol kıyâmet bâzârında her bir kula baş kayısı
Yûnus sen ‘âşıklarıla hîç görmeyesin kıyâmet
Reklam
Aceb ‘aceb ne nesnedür bu derdile firâk bana
Cânumı serhoş eyledi ‘ışk agusı tiryâk bana
Kimün ki renci varısa derdine dermân istesün
Kesdi benüm bu rencümi dermân oldı bu derd bana
Işk odına yan dirisen gönüllere gir dirisen
Karanular aydın ola ne kandîl ü çerâk bana
Gökden inen dört kitâbı günde bin kez okurısan
Erenlere münkirisen dîdâr ırak senden yana
Miskîn Yûnus erenlere tekebbür olma toprak ol
Toprakda biter küllîsi gülistânı toprak bana
Bu ne dertdür ‘aceb dermân belürmez
Ya bu ne yaradur zahmı belürmez
Benüm gönlüm ‘aceb ‘ışkdan usanmaz
Varur ‘ışka düşer hîç bana tanmaz
Döner gönlüm bana ögüt virür hoş
‘Âşık olan gönül ‘ışkdan usanmaz
Âşık ki câna kaldı ‘âşık olmaz
Cânın terk itmeyen ma'şûkı bulmaz
Işk bâzârıdur bu cânlar satılur
Sataram cânumı hîç kimse almaz
Âşık bir kişidür bu dünyâ mâlın
Âhiret korkusın bir çöpe saymaz
Bu dünyâdan ahiretden içerü
‘Âşıkun yiri var kimsene bilmez
Âşık öldi diyü sala virürler
Ölen hayvân durur ‘âşıklar ölmez
Âşıklar meydânı ‘Arş'dan yücedür
Çalarlar çevgânı topı belürmez
Begüm ‘ârifisen yüri yolunca
Bunda başlar yiter kanlar sorulmaz