2023-cü ilin ilk kitabı eyni zamanda favori kitablarımdan biri oldu. Möhtəşəm qurğusu, insana güc, motivasiya verən mövzusu ilə qısa bir zamanda oxuyub bitirərək, məni özünə heyran etməyi bacardı..
Paralel evrenlərin var olmağına inanırsız? Mən bu kitabı oxuyana qədər də inanırdım, oxuyandan sonra da inanmağa davam edəcəm. Həyatda hər birimizin yaşadığı peşmanlıqlar, məyus olduğumuz zamanlar, "kaş belə etməzdim" dediyimiz anlar olur. Bəs heç düşünmüsünüz mü əlimizdə bir şansımız olsa və peşmanlıqlarımızı keçmişə qayıdaraq başqa cür yaşasaydıq gələcək indikindən fərqsiz ya fərqli olardı?..
Həyatımızı peşman olmadan, yanlış etmədən, səhv qərarlar vermədən yaşamaq mümkün deyil. Əslində o verdiyimiz səhv qərarlar, atdığımız yanlış addımlar bizi doğruya bir addım daha yaxınlaşdırır. Biz doğrularımız və səhvlərimizlə bir bütünük. Və onlarla birlikdə var olduğumuz müddətcə həyatı sözün əsl mənasında "YAŞAYIRIQ". Yoxsa sadəcə nəfəs alan məxluqlardan ibarət olardıq..
Əsas olan həyatı qorxmadan yaşayaraq, bütünüylə qəbul edə bilmək və daxilimizdə hüzuru, sonsuz xoşbəxtliyi tapmaqdır..
Bu dünyaya bizi bağlayan, nəfəs aldığımız müddətcə gələcəyə ümidlə irəliləyimizə vadar edən yeganə şey isə "SEVGİ"dir.. Yaşadığınız müddətcə qəlbinizdən sevgiyi heç bir zaman əskik etməməyiniz diləyiylə..
Xoş mütaliələr
