Bir uşaq dil öyrənməyə başlayanda yalnız söz, ya da cümlə öyrənmir; düşüncə forması öyrənir, öz içində yeni sistem qurur. O sistem insana zənginlik qatır, yeni qabiliyyətlər gətirir və qabiliyyətlər insanı dəyişdirir. Dildən istifadə etməsəniz, unutmağa başlayırsınız. Unutduğunuz da yalnız söz və ya cümlə olmur. Bax həmin sistem, zənginlik, o qabiliyyət ortadan qalxır. Bu, ana dili üçün də belədir, hətta ən çox ana dilinə aiddir. İnsan ən çox ana dilini unutduğu zaman insanlıq xüsusiyyətini itirir. Bu baxımdan dilimizi qorumalı, üstündə əsməliyik.