İskəndər. Cəlal, bilirsən Sokrat nə deyirmiş?
Cəlal. Sokrat kimdi?
İskəndər. Sokrat bir adam idi; çoxdanın adamı idi. Çox, çox çox- danın adamı idi. Sokrat deyərmiş ki, "mən dərs oxumamış elə xəyal elərdim ki, dünyada bir zad bilirəm, amma elm oxuyandan sonra yəqin elədim ki, heç zad bilmirəm". Xa... xa... xa!
Baxın! Baxın! Yaxşı baxın! Diqqətnən baxın! Sizin tarixlərinizin kitablarında bu, qan ilə yazılmış bir səhifədir. Sizdən sonra gələnlər bu kitabı vərəqləyib, bu səhifəni görəndə sizi yada salıb deyəcək: "tfu sizin üzünüzə!"