Ramazan Rizvan
@Ramazan_Rizvan_
Ehtiyatda olan hüquqçu, azad yazıçı
Müstəqil yazıçı, rəssam, hüquqçu
hüquq
Bakı
Kürdəmir
116 okur puanı
Mayıs 2021 tarihinde katıldı
Şu anda okuduğu kitaplar
İkinci kitabım "İlğım"ın fransızca tərcüməsinə başlanıldı və tezliklə Fransada nəşr olunacaq. Fransız dostların dediyinə görə, doğru-düzgün marketinq aparılsa, yerli oxuculara da maraqlı görünə bilər.
Amma mənə əvvəlcə öz həmvətənlərim maraqlıdır. Öz camaatına xitab edə bilməyən yazıçı dünya oxucusu ilə dil tapa bilməz.
Janr: Psixoloji triller, ekzistensial dram
Mövzu: yadlaşmanın insan ruhunu necə dəyişdirdiyi, virtual kimliklə real şəxsiyyət arasındakı uçurum, azadlıqdan sonra yaranan daxili boşluq və tənhalığın doğurduğu psixoloji qarşıdurmalar
Qiymət: 10 AZN (Avropa azərbaycanlıları üçün 5 avro)
Kitab birinci mərhələdə konkret sayla çıxacaq deyə indidən sifariş etməyiniz məqsədəuyğundur.
Bunun üçün isə sadəcə mənə yazmağınız kifayətdir.
Təşəkkürlər!❤️
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
Növbəti kitabım - "İlğım"
Janr: Psixoloji triller, ekzistensial dram
Mövzu: yadlaşmanın insan ruhunu necə dəyişdirdiyi, virtual kimliklə real şəxsiyyət arasındakı uçurum, azadlıqdan sonra yaranan daxili boşluq və tənhalığın doğurduğu psixoloji qarşıdurmalar
Qiymət: 10 AZN
Kitab birinci mərhələdə konkret sayla çıxacaq deyə indidən sifariş etməyiniz məqsədəuyğundur.
Bunun üçün isə sadəcə mənə yazmağınız kifayətdir.
Hələ ki, 143 nəfər sifariş verib. Kitab çapdan çıxmamış, ilk 2 gün üçün pis nəticə deyil, məncə.
"İlğım" gənc dostunuzun ədəbiyyat sahəsində ikinci kövrək addımıdır. Ümidvaram, bununla da dünya bazarına çıxacağıq.
Təşəkkürlər!❤️
Bəzilərinizin çoxdandır gözlədiyi və elə həmin insanlar üçün maraqlı hesab etdiyim bir məsələni sizinlə bölüşmək istəyirəm.
İkinci kitabım bu yay işıq üzü görəcək.
Hələ Azərbaycanda olarkən yazdığım ilk kitabım "Halqa"nı 500 nüsxədə çıxarıb hamısını satmışdım.
Mövzu ölkə reallığı üçün çox həssas olduğuna görə çətinliklərlə üzləşmiş, bütün nəşriyyatlardan imtina cavabı almış və məcbur qalıb yeraltı mətbəələrin birində çap etdirmişdim.
Ölkədən çıxışıma da məhdudiyyət qoymuşdular, güc-bəla ilə götüzdürüb aradan çıxa bilmişdim.
Mövzu: ölkədəki sosial problemlər, ilahi ədalət, seçki saxtakarlığı, Azərbaycan insanının salındığı vəziyyət
Bilirəm ki, ikinci kitabımı da yenə ən azı iki yüz nəfər alıb oxuyacaq. Elə bu özü mənim üçün nəyə desən, dəyər.
İkinci kitabda birincidən fərqli olaraq, ölkəni tərk etdikdən sonra gördüklərim, düşündüklərim və hiss etdiklərimi yazmışam.
Budəfəki mövzu: Yadlıq və bu yadlığın insan xarakterini necə dəyişdirməsi, internet kimliyi ilə real insan arasındakı uçurum, azadlığı əldə etdikdən sonra yaranan mənəvi boşluq, insanın tək qalanda üzləşdiyi psixoloji dilemmalar.
Kimə maraqlıdırsa və alıb oxumaq istəyirsə, rəyə yazar.
Birinci kitabda etdiyimiz kimi, kart hesabı paylaşacam və kitabı almaq istəyənlər ödəniş edəcəklər. Yəni kitab özü özünü maliyyələşdirəcək.
P.S. Birinci kitabı ikinci nəşrdə tələbələrə pulsuz paylamışdıq. Yoldaşlardan biri əlli tələbənin kitab ödənişini etmişdi.
Bu kitab isə həm Azərbaycan, həm də Fransa oxucularına təqdim olunacaq. Ümid edirəm ki, uğur qazanacağıq. Dəstəyinizi gözləyəcəm. Hətta rəy yazıb paylaşmağınız və daha çox insanın qarşısına çıxmasına vasitəçilik etməyiniz də böyük köməkdir❤️
Çölümdəki ekstrovert, lağlağı və vecsiz adamın əksinə içimdə introvert, ifrat romantik və hər şeyi dozadan artıq hiss edən başqa adam var.
Bəzən mənə elə gəlir ki, elə bu iki adamın arasında sıxılıb qalmışam.
Çöldəki iqtidardır, daxildəki müxalifət.
Vecsiz ola bilmirəm. Çünki içimdəki müxalifət imkan vermir.
Çox həssas adama da çevrilmirəm. İqtidar o saat təpəsindən yumruğu basır.
Elə ki bu ikisi arasında vətəndaş müharibəsi başlayır, başımı götürüb qaçıram Perget gölünün sahilinə.
Qollarımı yana açıb üzümü göyə tuturam. Elə indi etdiyim kimi. Cənubdan buz kimi soyuq külək əsir. Ətrafda heç kim yoxdur. Bir az təyyarə səsi, bir az qurbağa qurultusu. Ay-ulduzlu, aydın gecə və yenə içimdə xəyallar...
Deyəsən, müxalifət qələbə qazandı...
Bir yazıçı dostumuz kitabın cızma-qarasını oxuyub geridönüş edib ki, səndə şizofreniya var. Bu, normal əql məhsulu ola bilməz. Ancaq güclü psixi pozğunluğu olan bir adam belə şey yaza bilərdi. Ölməyə-ölməyə qəbirdəki düşüncələri, azadlıqda ikən zindandakı günləri necə belə təsvir edə bilərsən axı. Adam elə bil səninlə birgə ölüb o şeyləri fikirləşir. Daha bilmədim, öydü, ya söydü…