Ser Do
@Ser_Do
Öpüp başıma koyuyorum ÖZGÜRLÜĞÜ, ekmek gibi! Yere atılmış bulunca..
Twitter: @EzdinSerdo
106 okur puanı
Temmuz 2018 tarihinde katıldı
Hin ji we dibêjin: "Kêxweşî ji xemgîniyê mezintir e." Hin jî dibêjin: "Na, xemgînî mezintir e." Lê
ez ji we re bibêjim ku ew nikarin ji hev bên veqetandin. Ew bi hev re tên û eger yek ji wan tenê bi te
re rûniştibe, bila li bîra te be ku ya din di nav nivînên te de raketiye.
Û dema sêvekê bi didanên xwe diperçiqînî, di dilê xwe de jê re bibêje: "Tovê te dê di bedena min de
şên bibe û bûtikên te yên sibê dê di dilê min de bibişkivin. Û bîna xemla te nefeskişandina min e. Û
em ê bi hev re ji hemû demsalan zewq û xweşiyê bibînin."
Dilên xwe bidin hev lê ne ji bo ku her yek ji we li nik xwe biparêze çimkî tenê destê Jiyanê dikare
dilê we biparêze. Û bi hev re li ser piyan bin lê dîsa jî ne zêde nêzî hev çimkî stûnên ayîngehê ji hev
dûr in û herwiha gûz û dara selwiyê jî li ber sîbera hev şên nabin ..
Ji hev hez bikin lê evînê nekin bend û zincîr. Bihêlin ku zêdetir ew di navbera qeraxên giyanên we
de wek deryayek livbar be …
Dema hûn tiştekî bievînin, nebêjin "Yezdan di dilê min de ye" lê çêtir e "Ez di dilê Yezdan de me".
Bawer nekin ku hûn ê bikarin rêkêşiya evînê bikin çimkî, eger ew we hêjayî hindê bibîne, ew ê
serkêşiya we bike..