Qazî Mihemed di dîroka gelê Kurd de kesek pir girîng e. Ew; kesekî zana, Qazîyek(Kadi) dadmend, Bavekî baş, mêrekî merd û kurdekî welatparêz bû. Ji ber vê yekê min pirtûk bi coşî xwend.
Ev pirtûk ji 125 rûpelan pêk tê. Bi şêwazek hêsan hatiye nivîsandin û ez difikirim ku her kes dikare fehm bike.
Pirtûk bi wesiyetnameya Qazî Mihemed dest pê dike. Dû re di derheqê wî û malbata wî de agahiyek kurt dide û piştre qala damezrandina dewletê dike.
Di pirtûkê de behsa dewletê, sirûda neteweyî, sonda serokkomariyê ya Qazî Mihemed û pêkhateya siyasî û civakî ya dewletê tê kirin. Dema ku em nêzî dawiya pirtûkê dibin, behsa parêznameya Qazî Mihemed û hevalên wî, û diyalogên di pêvajoya darizandinê de tên kirin.
Di beşa dawîn de, hevpeyivînek bi kurê Qazî Mihemed, Qazî Elî re heye. Qazî Elî li vir qala malbat û xwişkên xwe dike. Ew qala şehîdkirina xwişkên xwe jî dike.
Ev Pirtûk ne biyografiya Qazî Mihemed e, li ser mijara Komara Mahabad û jiyana Qazî Mihemed bi hev re hatiye nivîsandin. Jixwe navê Pirtûkê Komara Mehabad Qazî Mihemed e.
Aliyên erênî yên pirtûkê:
•bi şêwazek zelal hatiye nivîsandin.
•Gotinên Qazî Mihemed bi xwe, pir in.
•Min bi rastî hevpeyivîna paşîn eciband.
Aliyên neyînî yên pirtûkê:
•Di pirtûkê de gelek çewtiyên rastnivîsê hene. •Pir caran tîp bêyî kumik hatine nivîsandin. Li hin deveran tîpa "ğ" heye, ku ew di alfabeya kurdî de tune.
•Jiyan û zaroktiya Qazî Mihemed hindik tê vegotin. zêdetir qala vê bikira dê çêtir bûya.
Ger xeletiyek min hebe, bibexşînin.
Bi tendurustî bimînin,
Bi Kurdî bimînin..
Adat û Rusûmatnameê Ekradiye bikim. Ev pirtûk, ji bo wêjeya me pirtûkeke pir girîng e. Gelek taybetiyên pirtûkê hene. Ji ber vê jî yek ji Klasîkên Kurdî tê binavkirin. Ji aliyê Mela Mehmûdê Bazîdî ve hatiye nivîsandin. Ev pirtûka di dest min da ji aliyê 
Jan Dost ve hatiye amadekirin. Di nav hemû çapên pirtûkê da ya
