İnsanı cəmiyyətdə birincilik qazanmaq uğrunda rəqabətə təhrik edən mənasız istəkdən, eləcə də gəncliyə xas olan dəlisovluqdan, ağılsız və kor-koranəlikdən böyük səfehlik ola bilərmi? Məncə yox.
Gizli məhəbbətin ürəyində alovlanmasına imkan verən qadınlar ağılsızdır, onlar anlamırlar ki, cavabsız və eləcə gizli qalan bu məhəbbət onun yetişməsinə şərait yaradan həyatı yandırıb kül edəcək. Yox əgər açılsa və qarşı tərəfdən cavab tapsa, rəqs edən od parçası kimi səni aldadıb özünə sarı çağıracaq, nəhayət, qurtulub çıxa bilməyəcəyin bataqlığa düşdüyünü görəcəksən.
Tale milyonlarla adamı mənim yaşadığımdan daha donuq həyata məhkum edib və milyonlarla adam öz qismətinə qarşı səssiz-səmirsiz üsyan edir. Heç kimin xəbəri yoxdur ki, siyasi qiyamlardan başqa insanların yaşadığı gündəlik həyatda, çoxluğun içində, ürəyinin dərinliyində nə qədər qiyamlar gizlənib cücərməkdədir.