Hangi tür kitapları seviyorsun?
🔎 Polisiye
💕 Romantik
🚀 Bilim Kurgu
🏰 Fantastik
📖 Klasik
🧠 Kişisel Gelişim
🏛️ Tarih
😱 Gerilim
Şevereş e
Birîndarê serî li ser çoka min dibêje:
"Min bide ber dilê xwe da ji hêviyê neyêm xwar
Tarî çi kefenekî germ e,
Destên wî yê cemidî dixim paşila xwe
Û jê re dibêm: "cira xwe li çûyinê xweş neke Jineke dilobėj tune ye li van deran
Û guneh e ez li ser te bigrîm
Destanên ez ê bi te re lê şa bibim
Mirina te qebûl nekirine."
Diwestim, xewna ez tê de bi bihûştekê vediguhêzim
Li bin dara Sêvê siya xwedê jibîr dikim
Û di kirasê marekê de her birîn
Li welatê berfê şiyar dibim.
Mirin şûnwara xencereke tazî ye, ev sedsalek e li min dinêre
Kî zane şirîka wê stêrka rijiyayî me,
yan keliheke kavil li morana dîroka mê..
Xwe ji ber nifiran bide alî,
min koçkên şevê bi dengbêjan dagirtin
Bi Şapikê şîn bide ser rê...