Ulviyye Mikayil
@Ulivam
ꕤ “Bəzən bir kitab, susduğun bütün illərin izahını verir.” ꕤ
Əsəri oxuduqca məndə belə bir fikir formalaşdı: fərqli düşünən və daha yüksəyə can atan insanlar ətrafdakılar tərəfindən çox vaxt ya anlaşılmır, ya da həddindən artıq ucaldılır.
Sanki insan bir az sərhədləri aşan kimi artıq “adi” çərçivəyə sığmır. Bu isə digərlərində narahatlıq yaradır. Amma eyni zamanda belə fərqlilik bəzi insanlar üçün ilhamverici görünür.
Məncə, əsər insanın öz yolunu seçməsi və bu yolun hər kəs tərəfindən eyni cür qarşılanmaması haqqında düşündürür.
Hangi tür kitapları seviyorsun?
🔎 Polisiye
💕 Romantik
🚀 Bilim Kurgu
🏰 Fantastik
📖 Klasik
🧠 Kişisel Gelişim
🏛️ Tarih
😱 Gerilim
Tanrı ilə söhbət haqqında mənim düşüncələrim bir qədər qarışıq qaldı. Kitabı oxuyarkən bəzi fikirlər məni çox düşündürdü və hətta razılaşdım, amma bəzi hissələr isə mənə tam uyğun gəlmədi.
Əsər Neale Donald Walsch tərəfindən Tanrı ilə dialoq formasında yazılıb və bu üslub oxuyarkən fərqli bir hiss yaradır. Sanki insan öz daxili suallarına cavab axtarırmış kimi olur. Xüsusilə sevgi, bağışlama və qorxusuz yaşamaq haqqında deyilənlər mənə yaxın gəldi. Bu hissələrdə kitabın insanı rahatladan və düşündürən tərəfi var.
Amma bəzi məqamlar var ki, mənim üçün mübahisəli qaldı. Məsələn, insanın hər şeyi özü yaratması fikri mənə bir qədər şişirdilmiş göründü. Həyatda hər şeyin yalnız insanın düşüncələrindən asılı olması ilə tam razılaşa bilmədim. Həmçinin Tanrı anlayışının təqdim olunma forması da mənim bildiyim ənənəvi baxışlardan fərqləndiyi üçün bəzən tərəddüd yaşadım.
Ümumilikdə bu kitab mənə hazır cavablar vermədi, əksinə daha çox suallar yaratdı. Bəlkə də onun əsas məqsədi də elə budur – insanı düşünməyə vadar etmək.
Sonda belə nəticəyə gəldim ki, bu kitabı oxuyarkən hər deyilənə inanmaq yox, özün üçün uyğun olan fikirləri götürmək daha doğrudur. Mən də elə etdim: bəzi hissələri qəbul etdim, bəzilərini isə öz baxışımda saxladım.
Lev Tolstoy-un “İnsanı yaşadan nədir?” əsəri qısa həcmli olsa da, fəlsəfi və mənəvi baxımdan dərin məzmun daşıyan hekayələrdən biridir. Bu əsər insan həyatının əsas dayaqlarını – sevgi, mərhəmət və Tanrı inancını sadə, lakin təsirli süjet vasitəsilə izah edir.
