Bu kitab mǝhdudiyyǝtlǝrlǝ, “olmaz”larla barışmayan, yalnız yemǝk üçün uçmaq istǝmǝyǝn, daim yüksǝklǝrǝ can atan vǝ nǝhayǝt buna nail olan, həm də hǝr birimizin daxilindǝ yaşayan gerçǝk bir Qaǧayının mübarizə hekayəsidir. Əsər sadə dildə olsa da, dərin fəlsəfi mənası var. Conatan öz nəaliyyət yolunda qağayı dostlarına da Azadlıq məfhumunu öyrədir, dövrümüzün cəsarətli, öz məqsədindən dönməyən, çalışqan, öz ətrafının inkişafına laqeyd qalmayan , pillələri qalxarkən geridə qoyduqlarını düşünən insanı təmsil edir. Əsərdə çox ibrətli dialoqlar var. Conatanın uğur hekayəsini balacadan böyüyə hər kəs oxumalı və öz arzuları ilə müqayisə etməli. Balaca Şəhzadə, Momo, Şəkər Portağalı kimi uşaq ədəbiyyatı nümunələri siyahısına bu əsəri də sevərək əlavə edirəm. Hər birinin mərkəzində anlam, emosiya və duyğu var. Bəzən dünyaya uşaq gözüylə baxmalı olduğumuz kimi, uşaq diliylə, uşaq bədiiliyi ilə baxmağı bacarmaq lazımdır.
Qağayı Conatan Livinqston
