Nurlan Quliyev
@Whoami2436
Qalxıb getmək istəyirsən, ancaq hara?
Qalmaq istəyirsən, ancaq niyə?
Sevinməyin üçün hər şey var, ancaq qəmlənirsən.
Hər şeyin var, ancaq yenə də nəsə istəyirsən, nəsə çatışmır.
Demək istəyirsən, bilmirsən nəyi.
Ürəyin doludur, bilmirsən nə ilə.
Bir çox şeyi etmək istəmirsən, ancaq lazımdır.
Qəlbin sevir, ancaq bilmirsən kimi.
Həqiqətdir, ancaq şəkk edirsən.
Sanırsan ki, xoşbəxtsən,
Bəs göz yaşları niyə?
Yaşayırsan, ancaq bilmirsən nə üçün.
Ətrafın adamla doludur, darıxırsan yenə.
Həyat öz yerini tapmaq üçün müxtəlif yerlərə baş çəkməkdən ibarətdir.
Bir çoxları öz yerlərini tapmadan gedirlər. Yalnız bəzi insanlar öz yerlərinə yaxınlaşa bilir, çox azı isə həyatda özlərinə məxsus olan yerləri tapırlar. Hə, dostum, təəssüflər olsun ki, həyat bax budur.